... ساحرته عشان يتزوجها !! .... سالفة عجيبه يالله سترك

اعرف شاب الكل يتمناه شهم وخلوق وغني غناء فاحش وعايلتهم معروفة تحكي لي امه قصته


انه في احد الايام راجع من الشاليهات في نص الليل وشاف بنت تأشر له مضروبة وثيابها مقطعه الله يستر علينا وعلى بنات المسلمين يعني شكلها متعرضة لاعتداء من شباب في البحر واخذته النخوة والشجاعه الا يفزع لها


وقف وشالها معاه وعطاها ثوبه تستر فيه جسمها ووصلها


المهم بعد فترة صارت البنت تدق عليه جوال ونشبت له نشبة وصار يطنش لها وترجع تتصل وبالاخير قامت تهدده وتقول له اذا مارديت علي ترا ثوبك عندي يعني ناويه تسحره

وراحت لامه بكل قواة عين وقالت لها خلي ولدك يرد علي ولا والله اخليه يرد بطريقتي

الولد الكل لاحظ عليه التغير اهمل نفسه ماعاد يصلي مثل قبل صار يصد عن المساجد

تطلع له امراض غريبه واورام بجسمه كأنها كسور ويفحص يطلع مافيه كسر

الضيقة والكتمة ملازمته

النوم مايعرف ينام

صار يسمع الاغاني بشراهه وصار يطول لسانه على امه وابوه

تطلع براسه اشياء غريبة ويبي يسويها


راح لمطاوعه يقرون عليه وصار يرجع وقال له المطوع انت معمول لك عمل

وهم اصلا عارفين ان هالبنت هي اللي مسوية له العمل وهي الله يهديها ماتصلح ابدا للزواج وتبي تتزوجه بالغصب

وش الحل برايكم ؟؟ اذا كان الشخص عارف من اللي سحره وصعب يتكلم ويقول انه شالها من الطريق محد بيصدقه بيقولون اكيد هو اللي معتدي عليها ويمكن هي بعد تتهمه

يعني الموضوع فيه فضايح

ابيكم تتخيلون الموقف وتعطوني الشور