ساعة B.FENDI اش رايكم؟!!

رحت أمس اودي ساعات امي للحميضي يركب فيهم بطاريه..

وطبعاً انا نفسي في ساعه جديده الماس وعلى بال ما قعد الرجال يركب البطاريات اخذت لفه على الساعات اللي عندهم..

لفتت نظري ساعة فندي من الكولكشن الجديدB.FENDI اللي على شكل اسوارة الحزام اللي كانت بأغلب تصاميمهم حجمها صغير(متعقده لأن عظمة ايدها صغيره) والميناء بالماس وهي ستنلس ستيل وشكلها فريد وغريب بصراحه يعني مو تقليدي زي الساعات العاديه..

سألته عن السعر قالي قبل التخفيض ب 7300 ريال والآن عامل عيها تخفيض ب 3700!!!!

بصراحه الساعه عجبتني وكان نفسي احط صورتها بس ما ودي استعجل لأني ما راح اقدر اشتري اكثر من ساعه وحده في السنه وما ودي تروح علي اموووت قهر وكل المواصفات اللي ابغاها فيها وبيني وبينكم السعر كمان اغراني حسيته صيده :eek:

اللي ابغاه منكم ووالله العظيم يهمني رايكم لأني بجد معتبرتكم زي اخواتي ما ادري هل كذا اسعار الحميضي ولا بينضحك علي؟!! واللي شاف الساعه اش رأيه فيها وهل تستاهل هذا السعر(مع اني مررره مستقلته لأنها فندي والماس!!)

انا انضحك علي العام بساعه دفعت فيها6000 وما بردت حرارتها الى لآن كل ما اتذكرها يعورني قلبي الله لا يسامحه اللي غشني وما ودي ينضحك علي مره ثانيه..

شورو علي الله لا يحرمكم العافيه ولا يحرمكم احبابكم