ساعدت والدي فمن يساعدني بعد الله نداء لبنات الشرقية

بسم الله الرحمن الرحيم


السلام عليكم ورحمة الله وبركاتة ,,,,,,,, في البدايه ارحب بالجميع

والله يجزي من تساعدني في حل مشكلتي


خواتي انا ان شاء الله زواجي بعد شهرين وزوجي من طبقة راقيه جدا يختلف عنا كثير

طبعا انتم فاهمين اهله واخواته وبنات عمه في خطوبتي كانوا شئ من الخيال ايش لبس
وماركات حتي انهم ينظرون لي نظرة خلوها علي ربكم لكن ربي عوضني ولله الحمد بالجمال
وطول الشعر وخطيبي مرة طاير فيني وطلب مني اكون احسن منهن في اللبس ولا اخلي لهن كلام تدرون كم اعطاني مهر بدون ما اطلب ؟ مية الف ريال الله يجزاه خير
لكن المشكله ان ابوي في ورطة ماليه كبيرة اجبرتني اني اعطيه المبلغ كامل
وكل هذا فدوة لاابوي والله ماهمني اهم شئ ما ينسجن ابوي .
المهم باقي معي خمسة عشر الف ريال فقط وان شاء الله بمساعدة الله ثم اخواتي في هالمنتدي امل ان اكون غير في تجهيزي ويكفي هالمبلغ رغم قلة علي قولة الوالدة ماهان تبارك

خواتي انا من سكان الجبيل وابي منكن تساعدني كيف اتصرف دلوني علي محلات رخيصه جدا وبنفس الوقت فيها ذوق وتقليد ماركات واذا تعرفون احد يجر ملابس زواج رخيصه
وابي منكن تعلموني ايش اخذ انا اكبر بنات امي وامي كبيرة واستحي منها
:06:

تكفون يابنات الدمام والخبر والبحرين لاتخلوني
الله يفرج هم من تفرج عني ويرزقها الذرية الصالحه ويرزق البنات الزوج الصالح

ادري طولت لكن شرحت قصتي ابيكم تفهمون وضعي والله يوفق الجميع

اختكم

نجلاء