ساعدددوني جدددد !!!

انتي زيي دخلتي بمرحلة الوسواس
أول شي لا تعتمدي على الميزان و بس لإنو يتوهك
و لازم تاكلي أكل متوازن مو معقولة بتعيشي طول عمرك بس تفطري نسكافيه !! لو أكلتي ساندوتش بيض او جبن قليل الدسم مع خيار و طماطم مارح تسمني
و لازم تتغدي غدا متوازن فيه بروتينات و خضار و لا تكثري من النشويات لإنو هيا اللي تسمن
و العشا هو أساس البلا اذا ما تبغي تتخني لا تتعشي كولي فاكهة او زبادي او خضار او تونة او فول بس النشويات لا تقربيلها بالليل و صدقيني هادا الشي ما يخليكي تتخني
و زي ما يقولو خلي فطورك فطور ملك و غداكي غدا أمير و عشاكي عشا فقير و ابشري في المحافظة على وزنك
و بعدين جيبي لك قميص او بلوزة و كل فترة قيسيها عشان تشوفي اذا انتي زايدة او ناقصة يعني اعتمدي عالمقاس اكتر من الميزان
و بالنسبة للحلا طبعاً لو اكلتي قطعة صغيرة باليوم ما رح تتخني لا تخافي بس لا تاكلي يومياً عشان صحتك و كترة الحلى مضرة .. و لا تخلي هوس الوزن و الرجيمات تسيطر عليكي >> أنا كدا بس الحمدلله دحين صرت أحسن .. أفضل طريقة تخلي أكلك صحي و متوازن بدل الحرمان اللي بتسويه بنفسك و بالتوفيق

بس احس بطني مليانه كل ما ابي اكل :'( !!

رفع !

معليش ياختي لازم تاكلي عشان صحتك اهم شي يكون اكلك صحي وترا جسمك يحتاج سكر عشان مايصير عندك هبوك بس لاااااتكثري شي خفيف مايصير ياختي تقعدي بدون فطور الفطور وجبه مهمممممه جدا وتغدي كمان وتعشي واذا حسيتي انك شبعتي خلاص لو كم لقمه في ثلاث وجبات في اليوم بتكفي مع فواكه وعصير طازج وترا وزنك المثالي 60انا جيت اكتب لك لني حسيتك مهمله اكلك وهاذا مايصر ابحثي في النت عن الاكل الصحي وكيف لازم تاكلي لني هنا مش خبيرة تغذيه بس هاذي الاشيا معروفه الله يوفقك لما يحب ويرضى

وزنك بالنسبة لطولك وعمرك مثالي لاتتخني ولاكيلو زيادة 
بس كلي اكل صحي وفواكه وخضار عشان بشرتك بتضل حلوة ونضرة