السلام عليكم رحمة الله وبركاته
اه والله الدنيا ضايقه فيني مدري وش اسوي ابغى افضفض لكم يابنات اللي بترد علي برائي
الله يجزاها خير واللي ماتقدر ترد بس دعوه ان الله يشرح صدري ويفك الضيق عني ...
بنات انا مشكلتي زوجي سبب لي حاله نفسيه بس يشمتني طول الوقت ويقارني باخواته والا
يحسسني اني مقصره معه بشئ مع اني اذا سالته قال لا ,سبحان الله انا ما اعرف اربي بنتي ودايم اسالي خواتي وخذي خبره منهن
وبنتك ضعيفه شوفي ولد اختي صحته زينه ومنتبه له دايم مايطيح تعرف سنعه وانتي فاهيه بنتك دايم تطيح
وتنضرب من عيال الجيران وانتي ساكته مع انها صغيره وهم اكبر منها ومشاكل الاطفال ماتنتهى اوف بس ,,,,وكله كوم والروحه لاهلي كوم ثاني يعني لك يوم واحد تسيرين العصر مثلا وترجعين بس مع اني اطفش بالبيت انتقاد لا يسولف الا يانه يقارن والا يهاوشني على طبخه مثلا اوتربية البنت لا نطلع حتى المنتزه قريب من بيتنا اقوله خل نروح نغير جو لا مستحيل واذا انعزمنا بس مع احد نطلع اذا استلم يعذبني ماتروحين لاهلك اقعدي بالبيت مثل خواتي وحريم اخواني طيب انا بعماره لحالي بس جيران علاقتي فيهم سطحيه والا اذاخفتي روحي لاختي ساكنه باخر الحاره اهم شي اهلك لاتروحين انت منتي حرمه انتي مثل الصغار خوافه خواته اذا استلم واحد من رجالهن ثنتين جنب بعض يروحوا لبعض والثالثه ام عيال وبنات كبار ماتخاف وبيتها كبير وبسكن ومره سافر لابوه يزوره بمنطقه ثانيه رفض اني اروح لهلي يقول اقعدي بيتك انا ابجي اليوم الثاني وتهاوشت انا وياه وقال اذا بتروحين خلي اخوك يجي ياخذك والصباح مع اخوك اذا داوم ارجعي للبيت وافقت ورجع يهاوش وتزعل علي طنشته واذا قلت انا ضايقه خل نطلع والا خليني اروح لهلي انت معزوم لا انتي روحي لخواتي خواته مايعزموني الا لحاجه كبيره او اني اعزم نفسي واخذ قهوتي وحلاي معي واحيانا احس انهن يحرشنه على طقت روحي وامي انادايم مخطيه اذا شكيتلها انتي دقي واعزمي اقول هن مايدقن علي ابد حتى وانا تعبانه .واقولهن سيرن علي باي وقت يتحججن اللي زوجها مايطلع والا اللي تذاكر لعيالها والشغل كثير تركتهن وامي بس تهاوشني واستحاله اتناقش انا وياها لحالنا اذا كلمتها تهاوشني قدام اخواني وخواتي ومرت اخوي واحيانا قدام ابوي انحرج واقول يمه انا بس ابي افضفض لك لا انتي عوبا وانتي رخمه (ماتجي يايمه) وذا تقالبت مع اهلي اللقى الكل يسولف فيني وعن مشاكلي مع زوجي واهله حتى الصغار وكلن يعطى رايه واذا قلتلها ليش الكل يدري انا بس اسولف لك وافضفض واشوف رايك تهاوش وتزعل انتي متكبره مغروره اخره قبل شوي دقت علي وقلتلها انا طفشانه هو معزوم وزعلان يقول روحي لاختي عندها اخت زوجها ليه تسوين رسميه بينكم واعلم امي وهي تهب بوجهي وتهاوشني وانا اسمع اصوات اهلي عندهاانقهرت وقلت خلاص مع السلامه وهي تسكه بوجهي اه والله اني بكيت لين طقت روحي وش اسوي احكموا بينا هل انا غلط ام زوجي او امي مع انا امي احيانا احسها بس بتمشى الامور لو على حساب كرامتي .
سجياات @sgyaat
عضوة جديدة
يلزم عليك تسجيل الدخول أولًا لكتابة تعليق.
بنت الشاطى
•
الله يفرج همك ويصلح لك زوجك ويحنن قلبه عليك
ريماس15
•
الله يفرج همك ويصلح لك زوجك ويحنن قلبه عليكالله يفرج همك ويصلح لك زوجك ويحنن قلبه عليك
:(الله يفرج همك ويصلح لك زوجك ويحنن قلبه عليك
أسأل الله انه يهدي سرك ويعينك يارب بالنسبه للأمهات فهم دائما في صف الزوج جعل ربي لا يحرمنا منهم وبالنسبه لك تقدرين تديرين دفت حياتك اطلعي لأخواته واستانسي وحاولي تتقربين منهم وزوجك دلليه ودلعيه وبالكلمه الحلوه تقدرين تكسبينه اذا قال لك تعلمي من فلانه ولا علانه قولي انا لي اسلوبي واحب ادللك واعيشك في مملكتي بهذا الأسلوب بس انتي قبل كل شي ألجئي لله وادعيه واستغفريه كثير واطلبي من الله ان يؤلف ما بين قلوبكم ولا تتعجبي من الموضوع الرجل او ما يفتح عينه على اخواته وامه ويكون معجب فيهم بس انتي حاولي توصلين له بعض الأساليب وكأنك ماخذتها منهم ولما تتناقشون قولي اختك فلانه اليوم جزاها الله خير قالت لي اسوي كذا واعلم بنتي كذا وانا اليوم كلمت اختك فلانه على التلفون وماشاء الله اخذنا وقت طويل وسألتها عن الحلا الفلاني وسويته لك بيدي شوي شوي الين ما يتعود على اسلوبك واكلك وطريقتك وبعدها ما عاد بيقارنك بأي احد بس انتي لا تعاندين لأن الرجال مثل الطفل اذا عاندتيه عاندك واذا دلعتيه واخذتيه بالسياسه صار ما يشوف بالدنيا غيرك يعني معليش اضغطي على نفسك اذا قال لك لا تروحين لأهلك اليوم قولي سم وابشر شوي شوي وبيلين هو بس يسوي كذا لأنه يعرف انك بتعانديه وأمك حاولي ماعاد تشكين لها وخلي امورك داخل بيتك وحليها بذكائك الله يوفقك
حاولت اعطيك بعض النصايح الي استفدتها من حياتي واسال الله انه يؤلف مابين قلوبكم ويهدي سركم ياااارب ويسخره لك
حاولت اعطيك بعض النصايح الي استفدتها من حياتي واسال الله انه يؤلف مابين قلوبكم ويهدي سركم ياااارب ويسخره لك
الـبراءة
•
انتي خليكي واثقه من نفسك حتى لو قال للك مثلا الطبخه مهيب زينه قولي بالعكس انا عجبتني
الرجال لو شافو الحرمه واثقه من نفسها ما ينقدها حتى لو مهو عاجبه
والشي الثاني لا تشكتين مشاكلكي انتي وزوجك ل اي احد
الرجال لو شافو الحرمه واثقه من نفسها ما ينقدها حتى لو مهو عاجبه
والشي الثاني لا تشكتين مشاكلكي انتي وزوجك ل اي احد
الصفحة الأخيرة