ساعدني قبل لا اتطلق 00 بسرعة بنات

السلام عليكم ورحمة الله وبركاتة

خواتي انا عندي مشكلة ومب قادرة القالها حل

انا متزوجة من شهر ونص تقريبا واحب زوجي موت موت مووووووت
واهو يبادلني نفس الشعور واكثر مني بعد انشاء الله ماحسد نفسي طبعا تقولن وين المشكلة



المشكلة والله يعيني عليها















قبل موعد الدورة خواتي لو تعرفون شوة يحصلي قبل الدورة وماشاء الللة دورتي مرة مب منتظمة مرة تجيني مرتين في الشهر ومرة ماتجيني الا كل شهرين مرة وعالى هالحالة
المهم قبل موعدها بعشرة ايام تقريبا اختلف انسانة ثانية جد ماتعرفون كيف اتغير بس اقسملكم انه مب ايدي تتصورون بنات اني اكرة زوجي كره ماحصل وما اطيق اسمع صوتة وهو الانسان الي اموت فيه احس من صوبة هذا الاحساس صدقني انه متعذب معاي وانا حاسه فيه بس شوة اسوي مب بيدي اي حل مرة في يوم من الايام وقبل الدورة طبعا سمعته يالس يفتح الباب بالمفتاح يبي يدخل تعرفون شوة سويت اخذت اللحاف ولحفت وجي وسويت نفسي نايمة ولما دخل رفع الحاف عني وفيه حركة متعودين نحن الاثنين نسويها يوم يرجع من برا لازم ((( ))) على خدي بس والله اول ماقرب وجهه صوبي صديت الصوب الثاني حط في خاطرة مني وايد وطوفها على خير اهو يعرف شوة يستويلي قبل الدورة بس لين متى بيتحملني انا اوقات من كثر الضيجة ما تحمل اي شي لدرجة اني اصرخ في وجهه احيانا واقولة اكرهك وهو من كثر حبه لي يتحمل ويقولي انا مقدر وضعج ومابخلي راسي براسج بس والله يوم اشوفه بهذا البرود اتهاوش ويه وعلى اتفه الامور ازعل منه مع انه عنده الحق وانا اعرف هذا بس مادري ليش اسوي جذيه انا تجنبة في هذا الوقت وايد وهو انسان رومانسي وحساس وانا اهضم الكثير من احقوقة علي وهو يتحمل بس والله اكيد بيجي يوم وبيطفش مني وهذا الي انا خايفة منه لا تقولن لي حاولي تتغيريين والله مليون مرة حاولت بس مافيه فايدة انا مادري شوة يحصل لي في ذا الوقت وكلة ابا اجلس بروحي وفيه وقت اجلس اصيح واصيح بدون سبب وما احب اتكلم معاه واذا كلمني اعصب ورد عليه بصوت عالي شوة الي يحصل مادري
الي عندها نفس مشكلتي والله يعافيكن وعندها حل امانة عندها لا تبخل علي والله خايفة مع مرور الوقت يتغير علي زوجي ويمل من هالحركات الي مالي ذنب فيها بليز ردو علي بسرعة