ساعدني يا بنات تعبت وانا اجامل الناس واضحك على نفسي

بفض فض واقول كل اللي عندي
اللي تبيني تنتظرني اخلص الموضوع واللي ما تبيني الله يسهل لها طريق السعاده
انا من النوع الكتوم بس اعصب بسرعه ولا اسكت عن الغلط
كذا مره اجلس بمجلس كل اللي فيه ادري انهم يكرهوني لاكني اجامل لهم
وادري انهم يطلعون علي اشاعات من وراي واسكت عنهم
بس هالمره تعدو حدودهم وقلتها بوجيههم
توقعت بيعتذرون ويوقفون عن الحش من وراي
ابيهم يقولون اللي فيني بالوجه مو يفككون ويربطون من وراي
وان صارت مشكله بين خالاتي وخوالي وجيت اتدخل منعوني
ليييش لانتس صغيره ما تفهمين بهالامور شي
وبصراحه عمري 16 بس والله مو صغيره اعرف اشياء هم ما يعرفونها
يشوفوني ساكته يحسبوني دلخه ما اردي وش اللي يدور حولي
وان تكلمت سكتوني ولا يستمعون لي
ما يخلوني الا اليا عصبت وترفزت
وانا لا عصبت اطلع الماضي واخلطه مع الحاظر
ثمن ينصدمون فيني ويواسوني
لاكن كلها يومين ويرجعون مثل ما كانو
ماعندي احد يفهمني اشكي له همومي
كلهم كبار وبنت عمي راعيت قيل وقال وحش ونميمه والسر ما تحفظه
وبنت خالتي الله الوالي رافعه خشمها علي لاني احب البر والصيد والقصيد وهي دلوعه اسميها ام الخواجات
عن جد قهر اليا سكت بنومي بكيت واليا تكلمت بغرفتي تندمت
ما ادري وش اسوي
صرت انطوائيه ما احب اسولف واجد ولا احب اسولف مع الاطفال مثل اول
انحرج اليا قالت لي امي خوذي الورعان سولفي معهم بالصاله
يطيح وجهي واهج لغرفتي مدري وش اقول مدري وش اسوي
تكفون ساعدوني الله يدخلكم الجنه تكفوونوالسلام عليكم ورحمة الله وبركاته ,,