ساعدني يا رب

بسم الله الرحمن الرحيم

اخواتي العزيزات كل عام وانتو بالف خير وينعاد عليكم انشالله بالصحة والعافية

انا عندي مشكلة محيرتني جداجدا ومو قادرة ارتاح من التفكير فيها فكرت الجأ لكم يمكن كلمة من اخت او نصيحة تقدر تساعدني فيها

انا تزوجت لما كان عمري 14 سنه ولد عمي وكانت بيننا مشاكل اول الزواج بس تخطينها وعشنا معا بعض عالحلوة والمرة لكن بعد ست سنين زواج صارت بيننا مشاكل كثيرة

مشكلة الاولاد في البداية تجاهلنا الموضوع مع الحاح الاهل بس ما اهتمينا بعدها انا رحت لثلاث دكتوات وتحاليلي كلها سليمة وزوجي راح لدكتور واحد لكن نتيجته ما كانت مرضية ولا حتى كمل العلاج معاه مع اني كنت احاول معاه بس هو معند ولا يبي يفتح هالموضوع سكت عنه مع قهري من كل الي حولي يسالون ويلمحون لكن ما كنت اقدر اتكلم حتى امي ما قلت لها شي قبل سنه الحت علي امي وقلت لها اني سليمة لكن زوجي مو راضي يكشف وحتى قايل لامه انه شي بسيط فيه لكن الحقيقة مو كذا حاولت معاه بكذا طريقة لحد ما هاوشته وانا اخذت له الموعد ويالله يروح

ثاني شي مشكلة شغله تخيلو انه يداوم من سبعة الصبح الى سته المغرب ويجي تعبان ماله خلق وينام بدري حتى المستشفى اخوي يوصلني واذا بغيت شي لازم اعطيه خبر قبل باسبوع عن الطلعة عشان يلاقي وقت وانا من النوع البيتوتي ما اطلع ولا شي بس على دوام الكليه و من جد اطفش وازهق لكن لا حياة لمن تنادي تحملت الوضع طول هالسنين ولا كنت اشتكي لاحد حتى اهلي امثل عليهم اني مبسوطة مع انه العكس لكن الحين احس اني مو قادرة اتحمل اكثر كفاية عدم اهتمامه وتعليقات الناس وتلميحهم

ما اخبي عليكم اني فكرت بالطلاق لكن مترددة ما ادري شسوي احس نفسي مو مرتاحة والله ما كتب لي اودلاد واشوف البنات بعمري عايشين حياه هنيه وانا متضايقة صرت ما احب اطلع عشان ما اشوف كل وحدة تلمح ولا تصرح ولا بنات متزوجين بعدي وعندهم اولاد

نفسيتي تعبت من جد وما ادري ايش اقرر

ساعدوني الله يخليكم هل استمر معاه اذا ما فاد العلاج؟ هل تعتقدون فيه حل يريحني

مع السلامة