ساعدوا اختكم في الله تعبانه نفسيه

اختي والله ودي اساعدج انا بعد جسمي حلو بس صدري كبير احسه مخرب عليي وايد
مع ان الكل يقوللي صدرج مناسب لجسمج بس انا احسه كبير :(
اختي دامج ما تبين عمليات ولا غيره ما عندج الا التمارين الرياضيه وهذ تاخذ وقت
طوييييييييييل لين ما تبين نتايجه يعني حالي من حالج والله.
اقولج خذيلج لفه فى قسم البشره فيه افكار لتصغير الصدر بس مثل ما قلت لج نتايجها
تبين عقب وقت طويل وانتي ما باقي شي عن زواجج. اتصدقين جان زين يرضى زوجي
اسوي عمليه تصغير والله لارتاح وافتك من هالهم!!

طيب كم طولك.. لو كنتي قصيره يكون 55كيلو كثير..
واذا كنتي طويله صدقيني شكلك بيكون حلو..
على العموم ابعدي عن العمليات ومافي احسن من تمارين شد الصدر..
اختي كانت تخيينه وسوت رجيم ونحفت ووصل وزنها 52 كيلو لكن صدرها ماخف زي ماهو بعدين داومت على التمارين عشان شد الصدر شهر وماشاء الله جا جسمها متناسق...

يمكن يكون عندك هرمون الحليب مرتفع ...

اشربي ميرميه تنظم الهرمون..

ياحياتي ربي يديم عليك الصحة والعافية ويسعدك في حياتك...لاتهتمي ترى وربي الصدر الكبير موضة وأحلى في اللبس إنت تشوفيه مومناسب وغيرك يتمناه...أنا كنت زيك فاكرة إنه وحش بس الحمدلله اقتنعت وأمنت أولاًإن الله يخلق الإنسان في أحسن تصوير وأجمل هيئة مايحتاج أغير ..وثاني شيء قارنت ولقيت إن الصدر الكبير أحلى في اللبس

شوفي ياقلبي
انا كان مقاسي 42ب والحين صرت البس 40 ب وعقبال 30يارب
استمر ي على خل التفاح كل ماتروشتي رشي عليه خل التفاح وخليه الين يتشف بس يبي لك استمرار يوميا الله يعينك بهالبرد مايخلي احد يسوي شي
واستخدمي جل لشد الجسم من دوف الاثنين كنت استخدمهم وبصراحه حسيت بصدري صغر من 42 الى 40 بس تركتهم ماستمريت ان شالله يفيدون معك والرياضه لاتنسينها وبالتوفيق يارب