وادي رم @oady_rm

عضوة جديدة

ساعدوا امي تكفون / علاج الحساسية

السلآم عليكم ورحمة الله وبركآتة ،،
اتمنى تساعدوني
بشرة امي حساااااسسسسه جدا جدا وتتأثر من أي شئ صارت معها حساسيه وجرووح
برجليها ويديها وأنتقلت الجروح لبطنها وصارت ما تعرف تنام الا تحكهم لحد ما
يطلع دم :( رآحت لمستشفيآت كثير بس ما نفع
وبالأخير راحت قبل اسبوع تقريباً عند دكتور وقال لها أنتي حسآسيتك من زيت الزيتون
ومن الديتول الشخصي والفازلين وصابون الغار والكريمآت المعطره :( ،،
وفعلآ هي تحب زيت الزيتون وتتدهن فيه
وتستخدم الديتول ،، صرف لها مرهم بتنوفيت 30g Betnovate للأرجل
ومرهم فيو سيباكت Fusibact للسيقآن
وحبوب زيرتك Zyrtec حبة عند النوم
ولهآ أسبوع تقريبآ تستخدمهم ولآ شآفت أي نتيجه وصآر جسمهآ جآآآف كثير ويحكهآ أكثر
والدكتور مآ صرف لهآ مرطب وما تدري وش تستخدم كريم ترطب فيه جسمهآ
أبسألكم عادي تستخدم منتجات جونسون ؟ مثلا زيت جونسون ؟
تكفون ساعدوني :(

يلزم عليك تسجيل الدخول أولًا لكتابة تعليق.

تسجيل دخول

ماسه متألقه • 13 سنة

ربي يكووون بعونها
ماعندي علم

عفاف محمد • 13 سنة

الله يشفيها ماعندي اي معلومه تقدر تفيدك بس من وصفك شكلها اكزيما

شربيها ماء زمزم وارقيها وماتشوف شر

ترفيل • 13 سنة

حبيبتي شكل هالدكتور ماعنده سالفه لانه عطاها علاجات مختلفة
اذا انتي بالرياض خليها تروح للدكتور احمد العيسى بعيادات ديرما
ممتاز ماشاء الله
ولاتترك موية زمزم ولا الرقيه

وادي رم • 13 سنة

الله يعطيكم العافيه والكريمات اللي عطاها الدكتور لحد الحين ما شفنا منها نتيجه
وجف جسمها أكثر ويحك أكثر :( :( دلوني على كريم يرطب جسمها بس ما يسبب لها حساسيه :(

المصدعه • 13 سنة

فيه فازلين لوشن مكتوب علية للبشرة الحساسه خالي من العطور كتبة دكتور لبنتي عشان عندها حساسيه وارتكاريا مرة ممتاز الله يشفي امك ويخليها لك