ساعدوا بنتي في تطوير موهبتها الله يجزيكم خير ..

الله ييسر أمرك..
أولا:الله يبارك فيك وفي بنتك..
ثانيا: تقدرين تدخلين الأقسام الخاصة بالرسم وتشوفين وش عندهم من معلومات..وخلي بنتك تشاركك في البحث..
وفري لها الكراسات والأقلام عشان متى ما بغت ترسم ترسم على طول..
وحتى إذا سافرتي اسمحي لها بحمل أدوات الرسم معها..
احتفظي برسوماتها عشان تورينها بعد فترة وهي راح تشوف كيف تطورت وتتحمس أكثر..
خليها تشوف رسومات منوعة للمبدعين وراح تلاقين كثير في النت..
سولفي انتي وياها حول الصور اللي تشوفونها وخليها تبدي رايها حول الصورة وعن ماذا تعبر..وكيف رسمها الرسام..وما هي الالوان اللي استخدمها..
في اليوتيوب أكيد أفلام لفنانين قاعدين يرسمون..خليها تشوفها بعد ما تتأكدين من سلامة هي الأفلام..وراح تتفاجئين من طريقتهم في التلوين ولكنها هي طريقة المبدعين والمحترفين..
فيه برضو كتب مخصصة لتعليم الرسم للأطفال..يمكنك شراؤها ومساعدة ابنتك للتعلم من خلالها..
والله يوفقها وتكون مبدعة..

الله يحفظها

الف شكر
اذا سافرنا والا حتى احيانا اذا رحت بيت أهلي تاخذ معاها كراسة الرسم والألوان أنا أحاول انمي موهبتها لأني كنت مثلها لكني ماستمريت على الرسم صارت رسوماتي مجرد ذكريات ان شاء الله أشوفه رسامه