ساعدوا زميلتي في محنتهااا

السلام عليكم
اخواتي الحبيبات
لي زميلة في العمل طيبة وحبوبة لكنها دايم صامته وماتجيب سيرة حياتها ابد
احس فيها انكسار ماادري وشو
قبل يومين فتحت لي قلبها وهي تبكي بحرقة وقالت لي قصتها
واستاذنت منها اعرض مشكلتها عليكم لعل الله يفرج لها براي وحدة منكم ويكون لها اجر وثواب فك كربة وتفريج هم
تقول صديقتي
كنت طالبة في الجامعة من احسن الطالبات جد واجتهاد وكانت جميلة ما شا الله عليها
خطبها كثير لكن ابوها رفض تزويجها بحجة انها لولد عمها وهي ماتبيه
المهم ولد عمها تقدم لخطبتها وهي ماتبيه وعارضت هذا الشي
استمرت سنتين وهم يروحون ويجون على ابوها والكل عرف انها رافضته
بعد كذا ضغطوا عليها بوها واخوانها وزوجوها منه
حملت من اول شهر بالاول كان زين معاها لكن مع مرور السنين بداييكيد لها ويقهرها وهي مسكينه من حمل في الثاني حتى انجبت اربعة اولاد وبنت
طمع في راتبها وماصار يصرف عليها هي واولادها
حتى فلوس البنزين لما يوديها مشوار ياخذه منها
غير الضرب والاهانه
لاتقولون ليش ماتعلم اهلها
علمتهم وكلموه كم مرة وبالاخير طنشوا
هي تسكن في مدينة ثانية غير مدينة اهلها
واحد من اخوانها طلب منها تنقل لمدينتهم حتى يقدر يتفاهم مع زوجها
وصدقت كلامه وقدمت على نقل ونقلوا كلهم هي وزوجها ولاولادها
اكبر اولادها سنة سادس ابتدائي
المهم زوجها ضربها ليلة وهربت لبيت اهلها
بعد شوي واذا زوجها جايب لها عيالها وراميهم عند الباب ورايح ومخليهم
اخوانها رفضوا وجود اولادها في بيتهم
ورموهم في الشارع وقالوا لها انتي الله يحييك اما عيالك فلا
اضطرت مسكينه تاخذ اولادها وترجع بيتها
زوجها الله لا يوفقه شافها رجعت لبيتها ذليلة صار يكيد لها اكثر ويضربها وحتى في العيد مااشترا لها اي شي من اغراض العيد
وتقول حتى ماصار يناديها باسمها
يناديها .....( كلمة وسخة جدا)
ويعايرها ان اهلها رموها
حتى اولادها تعقدوا وصاروا يبكون وهم نايمين
طفح بها الكيل وتهاوشت معه وهربت لبيت اهلها
اخذ اولادها ورماهم عندها مثل المرة الاولى
اخوانها رفضوا والادها ونادوا واحد من معارفهم وسلموه الاطفال وارسلوهم لابوهم

والحين هي بييت اهلها وماتدري عن عيالها كيف حالهم
تقول ابوهم مايهتم فيهم وانا موجوده كيف الحين
لكن ماتقدر ترجع عشان اخوانها مهددينها لو رجعت ماعاد يوقفون معها
وهي تبي بيتها وعيالها
احياننا تقول ليتني صبرت واحيانا تقول لامتى اصبر
ابوها معه جلطة بالمخ وماعاد يركز زين ومخلي امرها بيد اخوانها الي كل واحد همه نفسه وبس

المهم يابنات الي ابيه منكم نصيحة صادقة وش تسوي الحين
ودعوة من قلوبكم ان يجمع شملها بعيالها ويردهم لها
والله انها تكسر الخاطر حتى العمل ماصارت تركز فيه واخاف عليها يجيها شي