هلا بنات وش اخباركم
انا بدخل في الموضوع على طول لأن من جد مالي غيركم يساعدني بحل مشكلة صديقتي
هي جاها العنقز ( جدري مائي ) عدوى من ولدها لها تقريبأ 12 يوم رحت ازورها البارح
إنفجعت يوم شفتها جاها اقوى نوع على كلام الدكتور يابنات مافيه ملم بجسمها مافيه حبه
بالذات وجهها مررره تغير وبعض الحبوب قشرت وصار مكانها نقط لونها بني واضحه مررره بالذات
إنها هي بيضاء ماشالله حتى صدرها وبطنها وظهرها كل شي ياعمري عليها
والله يابنات نفسيتها زفت بس تبكي .. ماتدري وش تسوي بالذات ان زوجها الله يهديه
داخل وطالع بس يعلق على شكلها ... تخيلوا تقول الحين صاريناديها ((( النمر )))
تقول مو عارفه وش تسوي .. راحت للدكتور قال لازم تتركين الحبوب تنشف من اللوشن
الأبيض اقل شي اسبوعين بعدها ممكن تبداء تحط اشياء تفتح اللون او تغيره
بنات الله يوفقكم اللي عندها خبره بالموضوع او مر عليها قريبه لها صار فيها نفس الشي
وتحسنت لا تبخل علي ... علشان اقولها ونفسيتها ترتاح ..
او قولوا لي وش ممكن تسوي وتقدر ترجع زي قبل بالذات ماشالله البنت كانت من جد قطعه بيضاء
لدرجة ان صديقاتنا دايم يعلقون عليها يسمونها قشطة المراعي لأن حتى ماشالله بجسمها بياض ولمعه
والحين مررره متحطمه بالذات من كلام زوجها وتعليقاته وحتى تقول ابداً مو مقد نفسيتها
وبس يعلق ولا يلتفت يقولها موقادر اشوفك مررره تغيرتي ؟؟؟!!! تخيلوا موقفها وقتها
الله يوفقكم وييسر اموركم ساعدوني عشان خاطرها
جعلكم ماتمرون بوضعها يارب...
واللي تمر ومو عارفه على الأقل ترفع الموضوع ... ولكم دعوة بظهر الغيب
أم بنوتي الحلوه @am_bnoty_alhloh
عضوة فعالة
يلزم عليك تسجيل الدخول أولًا لكتابة تعليق.
%شـــ كوكوــانيل%
•
ياعمري عليها الله يشفيها مما فيها يا ربي
جوري مشكوره يالغاليه على الرد والرفع.. الله يجزاك الف خير
وياريت تعطيني خلطة الحليب والسدر هذي وشي بالضبط
وياريت اللي تدخل ترفع الموضوع لو بدعوه
ولكم مثلها ان شالله يابنات ...
وياريت تعطيني خلطة الحليب والسدر هذي وشي بالضبط
وياريت اللي تدخل ترفع الموضوع لو بدعوه
ولكم مثلها ان شالله يابنات ...
الله يشفيها ويعافيها اختي لاتشيل هم العنقز ياخذ وقته ويروح وتختفي الاثار بس لاتحاول تلعب فيها او تقشرها عشان ما تترك حفر
الصفحة الأخيرة