توت خذي راحتك يالغالية وسامحيني تعبتك معايا مدري وش كنت بسوي
بدونك انت والحب ماشاء الله عليكن ونعم الاخوات الله يجزيكن خير


الحب هذا تطبيقي الفيونكة اختصرتها بس عندي سؤال دائما يجي ببالي
كيف اقدر اتخلص من الخيوط الزايدة : (
لمن اعقدها اخاف اقصها وينفك معاي الخيط وسااعات افكر اخيطها بس مثل ماتشوفي
الخيط قصير ياليت تساعديني كيف اقدر اتخلص منها من غير ماينفك معاي الشغل
لاني اوسوس وصارت معي مرة عقدت الخيط وقصيته كثير ومع المط انفك الشغل








بخصوص القلب في غلط بسيط نقصت عمود بس بشكل عام فهمت الطريقة
سوالي الثاني السهم اللي بالنص يشرح طريقة العمل يعني من وين نبدا لين ننتهي
صح كذا ؟

شوفوا هذا الحذاء الصغير والله لمن شفته وانا احاول اقلده بس عجزت
دخل خاااااااااااااااااااااااااطري بشكل كبير : (
حتى الفيونكة احسها حلوة وكبيرة


ياليت تساعدوني : (

تطبيقك ممتاز
هي طريقة التخلص من الخيوط الزائدة

جوفي هالحذاء نفسه تقريبا

هي طريقته
http://www.7elm3aber.com/vb/t269442.html#post571236

عادي حبيبتي لا تعب ولاشي
بس النت عندي ضعيف واحيانا
اكتب رد طويل ويطير وارجع اعيده من جديد..
وماشاء الله عليكي
بديتي تفهمين الباترونات
وعقبال مانشوف من ايدينك اعمال كبيره ان شاء الله
....
الحين راح اكمل معك الشغل
ومثل ماقلت لك راح ابدأ معك من اول الوحدة الثانيه
وانتي تكملين الباقي عشان تتعودين انك تمشين
على البترون صح
...
هذا الشغل بعد ما خلصنا الوحدة الأولى
وشبكناها بمنزلقه في اول سلسله بعد
العمود الثامن





بعدها لفي الشغل وارتفعي سلسله
واشتغلي عمود بلفتين في ثاني عمود





وكرري لين يصير عندك 8 اعمده بلفتين



الحين اشتغلي سلسله واشبكي بمنزلقه في اول سلسله
بعد العمود الثالث





ارتفعي 3 سلاسل





واشبكيهم بمنزلقه في السلسله الثانيه بعد
العمود الرابع





لفي الشغل وارتفعي سلسلتين
واشتغلي عمود بلفتين فوق اول عمود





اعملي سلسله وعمود بلفتين فوق ثاني عمود





كرري عمود بلفتين وسلسله
لين يصير عندك 8 اعمده بلفتين مع الارتفاع 9



اشبكيهم بمنزلقه في اول سلسله
بعد العمود التاسع





انا راح اوقف الى هنا في الوحده الثانيه
واستنى تطبيقك وكملي باقي الوحده
وحاولي تبدين في الوحده الثالثه
واي شي يصعب عليكي
ارجعيلي وانا اشرحه لك مره ثانيه
...