ساعدونــــــــــــــــــــــــ ي!!!!!

أنا متزوجة من خمس شهور وحامل بالشهر الرابع
مشكلتي انه زوجي من أيام الخطبه وهو يحكي (بمزح)عن الزواج الثاني وانه رح يتزوج مره تانيه وأنا آخد الموضوع بمزح أحكيله بتساعدني عليك لانك كتير متعبني ورح تكون انت ضرتنا وانا وياها صاحبات
وضل كل فتره يجيب هالسيرة حتى بعد ماتزوجنا ويضل يحكي انه من قبل ما يخطبني وهو ناوي على جيزة تانيه مش لني انا بس لنه بده يكون عنده نسوان تنتين
طبعا لغاية هون كان الموضوع عادي بالنسبه الي ومش فارقه معي وافكر حتى لو تزوج شو يعني مافيها اشي الله حلله ليش انا احرمها
بس من فتره حكاها قدام ناس معارفنا (مش جديده هالحركة) بس الجديد انه هالمره حلف من هون لخمس سنوات بكون عنده تنتين
ساعتها حسيت قلبي من جوا بنحرق تخربطت وصار وجهي بالوان وحسيت حالي بنتفض وأنا بحكي بكون عندك وحدة بس (طلعت مني مخربطة كلمه فالشرق وكلمة فالغرب)
بعدها كمل انه رح يسكنها فالطابق الاول وانا التاني حكيتله ما انا مش رح اكون عندك رح اكون متزوجة
حكالي مابصير بدون ما اطلق حكيتله بخلعك
لما روحنا واحنا فالسيارة كانت معنا حماتي صار يضحك معي بحكي ليش هيك تلبكتي وصار وجهك ملون حتى حكي بطلتي تعرفي تحكي

مبارح تمشكلنا لانه مانزلت اساعد امه على معجنات مع انه وصاني اساعدها
حكيتله انها حكتلي ما بدها تعمل عشان هيك مارحت عندها
انا حساسه عطول بتنزل دمعتي من مجرد كلمة ناشفة (وبكره هالطبع فيي ونفسي يتغير)
صار يسألني مالك ليش بتبكي
وانا مخنوقه ومش عارفه ارد عليه واصر علي بالسؤال وانا ساكته
ميس بحكي معك
وانا ساكته بس كنت اشرب حليب واعيط
ميس اتركي الكاسة من ايدك وردي علي
تركتها بس ضليت ساكته
روحي البسي اواعيكي بدي اوديكي عند اهلك!!!!!!!!!!!!!!!!!!!!!!!!!!!!!!!!!!!!!!!!!!!!!!! والحقيني هيني عند امي

رحت لبست ونزلت شافتني امه صارت تحكيله والله مابحكي معك ازا بتوديها وصارو يصرخو وان لسا ساكته
فوتتني عغرفة جوا وراحت تحكي معه وهو يحكي عني عاطلة وصار يدعي عالساعة اللي عرف فيها زوج خالتي اللي عرفه عأهلي
فجأة طلعت كلي سيئات ومافيي ولا حسنه

لو جاب بقرة ورباها بكون احسنله
نادى علي اعمله قهوه وحكالي اطلعي عالبيت واوعي تطلعي حتى عند أمي ومين ما اجا عندك ماتفتحي فاهمة سمعتي
وصارلنا يومين وهو ناشف علآخر معي

شو أعمل شو في اشي ممكن انه يريحني