ساعدوننني يابنات جدة إفرجوها ليه عساالله يفرجها ليكم

حبيبتي الله يوفقك ان شاء الله بحياتك ويجعلها فرحة العمر

أول شي روحي لعزيز مول هناك تجميع لأغلب الماركات وعندهم أشياء حلوة خصوصا الدور العلوي

بعدين في حراء كمان لا يعلى عليه ولفلفي بالمركز يبغالك اربع ساعات ويادوب تخلصي

في عندك الحجاز والنجار قريبين من بعض وعندهم اطقم حلوة

وفي كمان المساعدية لو تبغي فساتين فخمة للأعراس هناك محل يعرض تصاميم زهير مراد أرخص شي تلاقيه بثلاث ألاف

في كمان مجموعة مراكز ثانية الحفني و الصيرفي مول وغيرهم عدا عن شارع التحلية

شارع طويل عريض وكلو مراكز عالمية وأسعاره غالية الصراحة بس بضاعتو حلوة وتعيش

ولو أحد عندو إضافة ياليت يساعد .. نفيد ونستفيد

المصممة للأسف مابعرفها

اذا تبغي رقمها انا راح ارسله لك لكني بصراحه ماجربتها بس اخذت رقمها من وحده في المنتدى

الله يتمم لك على خير إن شاء الله

إذا تبغي تايورات و فساتين فخمه غاااليه روحي

1) المساعديه ( لفيه كله )

2) السواني اللي في مركز البساتين ( في الدور الأرضي = الدور الأول )

3) بوتيك نسائي قريب من المساعديه إسمه ( شامل )

4) بوتيك نسائي في مركز البساتين ( في الدور الثاني ) بس ماني فاكره إسمه

بالنسبه للمصممه , ما أعرفها

مشكورين يااميرة الخيال والحلى مبتليها وaquarius جزاءكم الله خير
وياريت ترسليلي رقمها ولو في بوتيكات ومحلات معينه حلوة ياريت ترسلي
حتعبكم معايه

rohi lmsat fi jaddah and massh bn ali mrrah hlo o kter ana akdt mno yom farahi o alkl atjann aleah