ساعدونى

السلام عليكم و رحمة الله و بركاته

لؤلؤة النوبة أهلاً بكِ أولاً :26:

ثانياً فعلاً فى الشركات المصرية لا تضع للخيوط أرقام والحمد لله على كل حال ، ساعات بس بعض الأنواع المستوردة إللى بتضع رقم الخيط ، و حتى مش كلها .. مع إنى أسمع إن فى كل حتة فى العالم عندهم رقم للخيط .... برضو الحمد لله مش أزمة

المهم تقدرى تشتغلى بخيط مصرى قطن لين و بيعطى نتيجة حلوة وما تقلقيش مش رفيع قوى زى بتاع الكنفا ولا حاجة

إسألى فى المحل على خيط شركة شركة الغزل والنسيج ... إنشآء الله حاتلاقى منه كل الألوان تقريباً
ومكتوب عليه ( قطن تريكو محرر -----نمرة إنجليزى 8 / 3 )

يعتبر معقول وبيدى نتائج حلوه جداً ، وبعدين بيدى فخامة فى الشغل لأنه ناعم ...... اللهم لو كان الموديل محتاج خيط واقف شويه زى الغزل العادى إللى بينباع فى شلات

يعنى لو عندك مفرش غزل من السوق و اشتغلتى أخوه بالضبط من الخيط دا إنشآء الله حاتلاقى المفرش بتاعك شكله أفخم وأكثر لمعاناً و رونق

أما الغزل الطرى بتاع المفارش الجاهزة مش موجود منه للبيع ........ لو لقيته حاقولك إنشآء الله

إسألى البائع أو البائعة عن خيوط الكروشيه ومش لازم تلتزمى برقم معين ، لأنك إنت بس إللى تقدرى تعرفى الموديل دا محتاج خيط نوعه و سمكه إيـــــــــــــــــــــه الضبط

بس كدا

يا رب أكون أفدتك شويه

شكرا جزيلا و إن شاء الله حادور على الخيط ده و يارب الاقيه

العفو ....... و ربنا يوفقك إنشآء الله وتلاقيه