ماشاء الله تبارك الله مبارك عليكم وان شاء الله يارب يسعدها وييسر لها ويوفقه يارب المهم انتي اخت العرووس لبسك احلى لبس وماكياجك يناسب فستانك ونقشيء بعد نقش حلوو ومميز وانتي خابرة العيون بتكون عليك لانك اختها ولاتنسين الشغل كله عليك اذا بتسوين طاولة استقبال وكذا وتحطين لهاصوور على الطاولة واختيار الزفة ووهدايا ام العرووس للمعازيم انتي بنفسك بتوزعينها للمعازيم لانه امك بتكون مشغولة تستقبل الضيووف الله يعينك والله بالنسبة للهدية اللي تقدرين عليه بس يكون مميز شوفي ويش اشترت هي ويش ناقصها كملي لها في اللحين بالاسواق اشياء كثير ومتنوعة شوفي ويش تحب هي واهدييها حسب عوايدكم اذا ببيتها ولا بالفرح ولا بعد الفرح حسب عاداتكم بالنسبة للغرفة العرووس ترتبينها وتزييننها وتضبطين حمامها الخاص وتحطين ورد وشامبوها الخاص وصابونها وغسولها وليفتها وكل شيء يخص الحمام وتزييني غرفتها تحطين ورد وبالونات حمراء او وردي حسب لون غرفتها وتفرش لها فراشها وتحطين لها اللانجري اللي بتلبسه بحركة حلووة يعني تجيبين صندووق حلو تحطين فيه اللانجري اللي بتلبسه لزوجها وتحطين كريم جسم حلو وعطر يفضل انك تحطين لها بريحة فواكه لانه اريح للاعصاب وانتي خابرة العرسان بيكونو متوترين ومستحيين وكذا وزيني الصندوق بورد مجفف او طبيعي اللي تشوفينه ويريحك المهم تضبطين الغرفة والحمام بشكل حلو ومريح ومرتب عشان يعجب العرسان يارب واي استفسار انا اختك باذن الله راسليني وان شاء الله اللي اقدر عليه بفيدك تراني مااعرف ارجع للمووضوع لانه مافي خاصية البحث راسليني اذا بغيتي شيء وانا اختك مايردك الا لسانك
صح نسيت ترى اكيد اهل العريس بيجون لبيت ولدهم فلازم تكووني ضبطتي لها كل شيء على اكمل وجه تدرين لازم يجون ويشوفون عفشهارتبي لها الفساتين بدولابها والبجايم والبلايز والشنط بطريقة حلووة ومرتبة واحذيتها الله يكرمك وملابسها الداخليه واكسسواراتها وكذا يارب يعيينك بس بجد شغلك اقل من اخت العريس لانه اخت العريس بجد تتعب بالذات لو كانت اخت وحدة والله يوفقكم يارب ويسعدكم
dolai
•
انا برضو اخت عروسة وزواج اختي بإلاجازة الله يوفق أختي واختك وكل البنات والشباب ياااارب أنا إحتمال أخذ لأختي المفرش حق يوم الفرح ( طبعا بإختيارها ) رسلت لها كم صورة وهية اختارت مفرشين واحد منها راح يكون هدية مني .. طبعا أنا ما أحب اني اخذ هدية وأقدمها لها يوم الفرح في الكوشة.. لكن أنتي مشي على حسب سالفكم وعاداتكم بسراحة انا أحس إني أم العروسة ( جالسة أكتب كل اغراضها وأدور لها ع زفات وكل ماشفت عروض أو بضاعة حلوة أكلمها وجالسة حاليا أدور لها لفستان فرح الله يوقفهم جميعااااا )انا برضو اخت عروسة وزواج اختي بإلاجازة الله يوفق أختي واختك وكل البنات والشباب ياااارب أنا...
hالف مبروك زواج اختك حض اختك بك الله يخليكم لبعض
الصفحة الأخيرة
ألف مبرووووووووووووووووووووووووووووووكـ الله يوفقها ويجمع بينهم في خير ..
حبيبتي أنا من وجهه نظري << توها بنوته ..
أنا احس حضورك ووقفتك معها احلى هديه ..
بس لو بتجيبين لها شوفي وش ناقص من تجهيزهااا وجيبي لها اياه ..
وأهم شيء أمك إذا خلص الزواج خليك عندها لانها بتفقد أختك ..
بالتوفيق ..