ساعدونى اخواتى ربنا يكرمكم نفسى فى طفل

السلام عليكم ورحمة الله وبركاتة اخواتى حبيباتى فى الله والله انا ماليه حد غيركم افضفض له همى تعبت والله اوى اوى ونفسيتى بقت صفر
قصتى هى اننى متزوجة منذ خمس سنوات وماخلتش دكتور الا ورحتله وكان تشخيص الدكاترة اننى اعانى من مرض البطانة المهاجرة وقال لى الدكتور حلها الوحيد انك تحملى علشان تروح ولو ماحملتى لازم اعمل عمليه وطبعا لمدة اربع سنوات وانا اصرف فلوس واعمل اشعات واخيرا الدكتور قالى لازم تعملى عمليه منظار تمنها 3 الاف جنيه قالة لانك عندك كيس دموى كبير وده غلط عليكى تسيبيه ممكن ينفجر جوة بطنك المهم اتصرفت فى المبلغ وعملت جمعيه علشان اعمل العمليه والحمد لله عملتها منذ 7 شهور ولكن لم يحدث الحمل واخيرا قال لى الدكتور انتى كده عملتى كل شىء وبقالك خمس سنين وعمرى الان 33 سنه قالى لو معاكى امكانيات تعملى حقن مجهرى اعمليها وماتستنيش اكتر من كده
المشكله يابنات انى ماعنديش امكانيات لعمل الحقن لانه يتكلف حوالى 9 الاف الى 10 الاف
وانا معى من المبلغ كله حوالى 2000 جنيه وطلبى منكم انا من الاسكندريه لو حد يعرف دكتور اومركز ممكن يساعدنى فى عمل الحقن بهذا المبلغ اكون شاكرة جدا ولو فيه حد يقدر يساعدنى حتى ولو بالدواء اللى الدكتور بيكتبه قبل العمليه للتنشيط اكون شاكرة لانى اخواتى نفسى ان الله سبحانه وتعالى يمن عليه حتى ولو بطفل يقر عينى وعين زوجى ويبرنى عند الكبر
معلش طولت عليكم اوى بس والله العظيم ماليش غيركم افضفض له