ساعدونى ضرورى

السلام عليكم معلش حطول عليكم انا كتبت قبل كده رساله زوجى حنون ولكن واليوم حدلى تفاصيل اكتر لان فى تطور حصل حقول الحكايه من الاول وسامحونى لو طولت انا اتجوزت من سنه ومعايا ولد زى القمر اتجوزت فشقه مفروشه لانى كنت حسافر مع جوزى على طول قلنا نخلى الفرش لما نرجع يبقى جديد وسافر جوزى قبلى عشان يبعتلى الورق اللى حسافر بيه انا صيدلانيه على فكره وكنت بشتغل قبل الجواز ومكفيه روحى وكنت اتكسف اخد فلوس من ماما .لما سافر جوزى فمره كنت بكلمه على النت وبنهظر قلتله انا لما اولد حجيب ململ تقعد معايا بس ماما بتقول التزاكر علينا وكنا بنضحك فقلتله ما تشلش هم انا حكون بشتغل وحجيبها على حسابى ولقيته اتضايق جدا ويقول ايه ده انتى حتشيلى معاكى فلوس قلتله مش حشتغل قالى ايوه بس الفلوس حتكوم معايا واتخانقنا خناقه كبيره جدا واخوه اتصل بيا قالى ده دخل المستشفى فاضطريت اقوله حعمل اللى يريحه عشان ما اطلعش قليلة اصل طبعا الوضع ده مش عاجبنى وبعدين اتخانقنا تانى وقلتله مش حسافرك خالص لكن بعدكده صعب عليا لانى لقيته محتاج الجنس جدا وخفت ينحرف واشيل وزره وسافرت ووافقت اشتغل فى توكيل مستحضرات تجميل عشان اساعده واديته المرتب لانى كنت شايفه اننا محتاجينه عشان نقدر نعيش سوا وما كنتش بطلب اى طلب عشان ما اتقلش عليه وهو بصراحه مش بخيل لكن حريص قوى قوى مميزاته كتير يعنى بيدينى حريه وبيخرجنى كتير وطيب جدا لكن هو بيحب الفلوس عشان يحسن حاله مش حاجه تانى وبيحبنى لكن حتة مرتبى دى هى اللى مضايقانى المهم اخدنا فبلدنا حتة ارض تتبنى بيت بجنينه بصراحهحاجه ما كنتش احلم بيها بسعر حلو حطينا فيها كل اللى معانا وبعت كمان شبكتى ولسه مديونين لاخوه لاننا اخدينها معاه شرك احنا دورين وهو دورين وطبعا العاقل يقول ان اى فلوس نحوشها فغربتنا تتحط فالبيت عشان يخلص وكمان عايزين مشروع جنب وظايفنا فبلدنا عشان نعيش عيشه كريمه وانا طبعا مش حتاخر لكن هو عايزنى لما اشتغل ما انا اصلى لسه مش لاقيه شغل فالغربه رغم مؤهلى عايزنى اديله المرتب يحوشه معاه ويدينى اللى حصرفه هو فالواقع مش حنحوش لان اى قرش حيجى حنبعته نكمل البيت ونسد الديون وانا مش عايزه كده انا عايزه اشيل لنفسى حاجه واساعده بحاجه وتكون فلوسى فايدى هو شايف ان ده مش صح وان احنا لازم نيجي على نفسنا عشان نخلص اللى ورانا وانا سكت وحخليه يعمل كده لكن من فتره اعترفلى انه كان شايل فلوس مش قايلى عليها عشان كان خايف ما الاقيش شغل ونتزنق اصل انا سبت الشغل عشان ولدت ومعرفتش ارجع تانى وبالفعل احتاجنا الفلوس دى دلوقت بس انا متخانقه معاه ومش بكلمه عشان انا سالته قبل كده وكان بيقول ان مفيش فلوس زياده هو بيقولى انا كنت معتبر الفلوس مش موجوده عشان نلاقيها فزنقتنا انا مش زعلانه من تصرفه بس ليه يخبى عليا واحنا كل حاجه بنعملها سوا وانا حديله اى فلوس تجيلى عشان نكون حياتنا على فكره هو كتير بيقولى خلى معاكى مصروف البيت وانا اللى بديله مصروفه بصراحه بيعمل معايا حاجات كتير مفيش رجاله بتعملها يعنى عايز يشترى عربيه بياخدنى معاه فكل حته عشان اتفرج معاه ويوريهانى ولما يجى حد من صحابه بنقعد سوا ويتكلمو فوجودى ولما يلاقينى مضايقه على طول يخرجنى ويجبلى حاجه حسب الامكانيات يعنى انا كنت بفكر اتخانق معاه على حكاية الفلوس ولو ما رضيش اروح بلدى واخليه يحوش براحته مش عارفه ساعات احس انه عنده حق وساعات اقول طب وليه فلوسى ما تبقاش معايا خايفه اسيبه واروح يعمل حاجه غلط او انا ازهق وما اعرفش اجيله تانى لان الجيه مكلفه جدا اعمل ايه انا انهارده عملتله اكل ياخده الشغل منغير ما اكلمه وهو اتصل بيا من الشغل قالى فى عربيه حروح اشوفها لو عايزه ابقى تعالى معايا وقفل دلونى ابنى عسول ومش عايزه ابهدله فمشاكل بالمناسبه فى سؤال صحيح لبس البامبرز على طول بيعمل تقوس رجلين معلش طولت عليك