السلام عليكم و رحمة الله و بركاته

أختي الحبيبة ام باسل

اولا ربنا يخليلك اولادك و يحفظهم من كل شر و يفرحك بيهم يا غالية

ثانيا، تعالي مع بعض نفكر في جدول مريح ليكي و لاولادك. همه ما شاء الله عندهم 9و6و3و2
يعني عندنا اتنين في المدرسة و اتنين في البيت في وقت الصبح، نبدأ التنظيم من هنا، و انتي كمان ربة بيت يعني معاهم في فترة الصبح. طبعا بتصحي الصبح من بدري حوالي 6 و نصف او 7 عشان تجهيز سندويتشات المدارس و لبس الاولاد و نزلوهم للمدرسة، و على 8 مثلا بيكون الاولاد الكبار نزلوا، حاولي ان الصغيرين يصحوا بدري همه كمان و حأقولك السبب فيما بعد. نفطر الصغيرين و نحاول نشغلهم بأي نشاط زي مثلا كراسات تلوين و لعب (انا عارفة انك مش بتحبي افلام الكارتون فلا داعي انهم يقعدوا ادامها لان بيني و بينك كده افضل فعلا لانهم بيتعلموا منها حاجات لا تمت لنا بصلة).

حاولي بقى من 9 ل 12 انك تخلصي شغل المطبخ من تحضير غداء و تنظيم الشقة و المطبخ، و ممكن اوي تستفيدي بالصغيرين معاكي، تدي فوطة للبنوتة الصغيرة و تقوليلها ساعدي ماما و امسحي بيها الكرسي مثلا، الغرض مش انها فعلا تساعد لانها مش حتساعد طبعا لكن انتي بتشغليها و في نفس الوقت بتعوديها بصورة غير مباشرة انها تساعدك بعد كده لما تكبر، و الولد كمان اديله اي حاجة يعملها من ناحية تشغله عن معاكسة اخته او معاكستك و من ناحية تانية تعوده انه يتعاون معاكي، و هو اكبر شوية من اخته يعني ممكن برضه تفهميه انه يساعدها عشان هي اصغر و كده، فهمتيني؟؟ لما تكوني في المطبخ ممكن تاخديهم معاكي و تغسلي اي خضار و تديه لهم ينشغلوا فيه مثلا عشان محدش فيهم يلعب في حاجة او يسبب اذى لنفسه او يضايقك في شغلك، و ممكن اوي لو عندك عبوات اسبراي الجسم او الكريمات فارغة اللي بتبقى اما معدن خفيف و عليه الوان و رسومات او علب بلاستيك ترصيها ادامهم يلعبوا بيها او ينشغلوا باشكالها. المهم على 12 تكوني خلصتي شغل البيت تماما.

تصلي بقى الظهر و الصغيرين معاكي و تعملي لهم قعدة لتلاوة القرآن يعني انتي تقرأي و همه يسمعوكي و تبقى عادة يومية ليكم، و بعدين ممكن تلاعبيهم او تقرأي لهم اي حاجة او تخلصي اي عمل يدوي و انتي معاهم و طبعا متنسيش انهم ياخدوا سناك خفيف زي كيك او بسكويت او حاجة تصبرهم لحد ميعاد الغداء. الكبار بيرجعوا من المدرسة تقريبا الساعة 2 و الا بعد كده؟؟؟ لما ييجوا طبعا يغيروا هدومهم و يغتسلوا و اللي بيصلي حيصلي و بعدين نقعد نتغدى كلنا سوا. بعد الغداء ناخد راحة نصف ساعة و بعدين الكل ينام من ساعة لساعة و نصف بالكتير (عرفتي ليه قلت الشغيرين يصحوا بدري؟؟ عشان و الكبار بيرتاحوا الصغيرين كمان يريحوا معاهم مش يكونوا صاحيين و يعملوا دوشة و قلق للكل، صح؟؟) ممكن كده نقدر نصحى تاني على 6 مساءا او بدري عن كده لو نمنا بدري

طبعا تنظمي المذاكرة للاولاد الكبار على حسب واجباتهم و تحضير دروسهم و خلافه كل على حسب سنه و في نفس الوقت برضه نلهي الصغيرين بحاجات مفيدة. مفيش مانع ان بين كل ساعة و التانية ناخد راحة 15 ساعة نعمل فيها مع الاولاد اي لعبة ذكاء مفيدة او نسمع فيهم شوية قرآن او نقرأ فيهم قرآن مع التذكير بمواعيد الصلاة و ترديد الادعية و الاذكار سوا و طبعا الفترة دي يتخخلها العشاء عبارة عن ساندويتشات سريعة و عصير او لبن. أعتقد على الساعة 10 و نصف يبقى تمام اوي كده و ممكن الاولاد كلهم يدخلوا يناموا

معلش يا ام باسل يمكن انا مقدرتش اساعدك اوي لكن حطيت لك خطوط عريضة انتي ممكن تتحكمي فيها حسب درايتك بظروف الاولاد و يا رب اكون قدرت اساعدك يا غالية

السلام عليكم

حبيبتي ام باسل، هذا هو رابط جداول اختنا الحبيبة مزايا انسانة للتنظيم اليومي و الاسبوعي و الشهري جزاها الله خيرا و جعله في ميزان حسناتها، ما شاء الله موضوع مرتب و جميل و يا رب يفيدك

http://forum.hawaaworld.com/showthread.php?t=190186

http://forum.hawaaworld.com/showthread.php?t=375757

و ده كمان يا ام باسل مهم لانها بترد فيه على استفسارات الاخوات و ممكن تلاقي ظروف واحدة فيهم مشابهة لظروفك و تستفيدي من الردود

الله يعينك وانا اقول افضل نصيحه لكي هي تنويم الاولاد مبكر يعني يتعودو انه صلاة العشاء
الكل نايم
عشان نفسك تلاقي ساعتين راحه

لك يالغالية هذا الرابط لعله يفيدك



http://forum.hawaaworld.com/showthread.php?t=368894