ساعدونى فى طريقة عمل هذه الشاياله

الله حلوه واش الخيط الي ينفع معها

بصي لو انا عملتها حااعمل مستطيل بحيث انه يضيق شويه عند الطرفين يعني تبدئي عند الضلع الصغير بعدد غرز اقل من العرض المفروض
وتزودي شويه شويه لغايه ماتوصلي لعرض كويس تمشي بيع طول المستطيل وبعدين تبدئي تضيقي لما تقتربي من نهايه الطول --زي البدايه
واجي عند الضلعين الصغيرين
والمهم او اضمهم يعني بكشكشه واعمل الايدين اللي بيلفوا علي الجسم
استني ادور لك يمكن الاقي باترون بالمقاسات المفروض تعمليه بيها

الشيالة تتعمل دائما فى شكل دائرة عريضة تكفى لحجم الطفل وبعدها تشتغلى بدون زيادة
مثل الصور




ان شاء الله اترجم البترون وانزله
انتظرينى

ما شاء الله
الواحد كل يوم بيتعلم منكم حاجات تجنن
ربنا يبارك فيكم جميعا

طريقة عمل الشيالة ******
الشيالة تحتاج لخيوط سميكة وناعمة قطن او صوف تكون ناعمة على الطفل
البداية اعملى 4سلاسل واغلقى بمنزلقة لعمل دائرة
السطر 1****
اعملى 3سلاسل بمثابة اول عمود واشتغلى 11عمود بلفة واحدة (غرزة البريد)واقفلى الدائرة عند اول سلسلة من ال3سلاسل البداية
السطر 2****
اشتغلى على كل عمود عمودين ويصيروا عندك 24عمود
السطر ال3*****
ابدئى ب3سلاسل كاول عمود ثم عمود فى نفس الغرزة ثم عمود فى الغرزة التالية وهكذا اشتغلى (عمودين فى نفس العمود من السطر السابق-عمود فوق العمود )كررى حتى نهاية السطر وكدة اصبح عندك 3عمود
السطر الرابع زودى بعد كل غرزتين ويصير عندك 48غرزة (عمود)
والخامس بعد كل 3 غرز وهكذا حتى توصلى للسطر 11ويصير عندك 96عمود
السطرين و13 12****
اشتغلى بدون زيادة
السطر 14***
اشتغلى 3سلاسل بمثابة اول عمود ثم عمود فى نفس الغرزة (اشتغلى عمود فى ال8عمود التالية -اشتغلى عمودين فى العمود 9)كررى لنهاية السطر (عدد الغرز صار104عمود)
الاسطر15و16و17 ******اشتغلى فوق كل عمود عمود بدون زيادة
السطر 18**اشتغلى 3سلاسل كاول عمود ثم عمود فى نفس الغرزة بعدها 8عواميد على ال8 التالية ثم عمودين فى العمود 9 وهكذا حتى يصير عدد الاعمدة 112عمود
الاسطر 19و20 و21***اشتغلى عمود فى العمود بدون اى زيادة
(من هنا تقدرى تتحكمى فى المقاس اللى عائزاه وممكن تزودى عدد الاسطر او تنقصى )
كدة انتهت القاعدة للشيالة وباقى الحمالات
انتظرينى اترجمها وانزلها لو ربنا سهل ان شاء الله
اتمنى الشرح يكون واضح