السلام عليكم ورحمه الله تعالى وبركاته
بنات بدخل بالموضوع ع طول وربي صارلي فتره جدا طويله وانا اعيش كآبه موطبيعيه
انا ماعندي صديقات والكل يعرف اني ذوق ومحترمه بس مشكلتي اني متفوقه بدراستي وكل البنات اللي يصاحبوني يستمرون معاي فتره بعدين تنقطع العلاقه احسهم يصيرون يغارون مني ويصاحبون بنات ثانيات ومو مره تصير هذي الشغلات .. لا دائما تصير حتى قبل فتره تعرفت على بنت معاي بالمدرسه وصرنا مع بعض طول الوقت وفجأه البنت تغيرت علي وصاحبت بنت ثانيه وهذي صاحبتي كانت دائما تنتقد هذيك البنت لان اخلاقها مش ولابد ...طيب اوكي ليه تغيرت علي ؟؟؟ وليه صاحبت بنت زي هذي البنت ؟؟؟ يعني ربي يهنيهم ببعض بس وربي انها تحز بالخاطر
والمشكله الثانيه اني وحيدة اهلي وساكنين بمدينه جدا بعيده عن مدينه اهل ابوي وامي
يعني ما عندي احد يجلس معاي دائما وحيده .. تصدقون ان ماعندي جوال؟؟ ولما اهلي يقولولي يبون يشترولي جوال اشكرهم واقول مابي واحد .. ليه اشتري جوال وانا اصلا ماعندي صديقات؟؟ ايش اسوي فيه ؟؟
وربي دائما يضيق صدري واقعد ابكي بسبب وضعي يعني ماشاء الله دائما اشوف البنات اللي من عمري الجوال مايفارقهم وكل شويه يجيهم اتصال ولا مسج و24 ساعه مع صاحباتهم ولا قريباتهم ليه بس انا ماعندي احد؟؟
وبالنسبه للاقارب انا ابد ماشوفهم ولاني كبرت بمكان بعيد عنهم احسهم مايتقبلوني ويتضايقون مني ومايبوني اتواصل معاهم وربي ان كل ما نجتمع احس روحي غريبه بينهم واحسهم مو مرتاحين لي ويبون اللقاء ينتهي
ربي يهنيهم وربي انا مو حاسدتهم بس ليه انا وضعي غير عن البنات؟؟
والمشكله الثالثه ان اهلي مايحتكون بالناس ابداااااااااا
زي ماقلت لكم احنا بمدينه غير مدينتنا وماعندنا احد نروح له واذا جيت بروح لمكان لازم اروح مع امي وابوي لان ماعندي حد ثاني اروح معاه وربي طفشت مانعرف جيران ولا معارف وامي ماتبي احد يزورها لان اول ما استقرينا هنا زارتنا حرمه ربي يسامحها ومن يومها وحياتنا منكوبه امي مرضت وانا طاح شعري وصارت مشاكل كبيره بين امي وابوي يعني تغير وضعنا 180 درجه ومن يومها امي حرمت تتعرف على احد وكل ماكلمتها تقول لي لا ومدري ايش وتذكرني بالحادثه هذي على فكره صار لنا سنين على هذا الوضع بس قبل لما كنت صغيره كانت حياتي جدا حلوه وكان فيه علاقات اجتماعيه وكذا
علاقتي بصاحباتي بالمدرسه جدا سطحيه وربي في بنات اشوف الغيره بعيونهم ..... ليه يغارون مني؟؟؟ مع العلم انهم لما يطلبون منى مساعده على طول اساعدهم ومرات اترك شغلي واللي هو اهم واساعدهم
ماشاء الله في بنات عندهم صديقات ومعارف ومحبوبات و24 ساعه عندهم مواضيع يتكلمون فيها اما انا ماعندي مواضيع اتكلم فيها يعني مثلا تجي بنت تقول انا امس رحت للمكان الفلاني مع اخواتي واكلنا ومدري ايش بعدين رحت للسوق و صادفت صاحبتي فلانه وتكلمنا وكذا
انا ماعندي هذا الكلام لان حياتي روتينيه واليوم مثل اللي بعده وامس مثل اللي قبله
وربي طفشت هذاك اليوم جتني الحاله هذي وربي اخذت 8 حبات اسبرين وقلت ان شاء الله اموت وافتك من هذي العيشه
تكفون بنات مابي اي رد يجرح وربي اللي فيني مكفيني كل اللي ابيه منكم بس انكم تدعون لي بالهدايه وان ربي يغير حالنا من هالحال الى افضل حال تعبت وربي يمكن ربي يستجيب دعاء وحده منكم ويرفع عنا هالبلاااااااء
كول بس تكره السكول @kol_bs_tkrh_alskol
عضوة فعالة
يلزم عليك تسجيل الدخول أولًا لكتابة تعليق.
تهاني الكثيري
•
الله يهدي سرك
يسلمو تهاني وجرحي صعب
روعه تعاملي مع امي الحمد لله حلو بس احس ان مافي تفاهم بيني وبينها بسبب فرق العمر
روعه تعاملي مع امي الحمد لله حلو بس احس ان مافي تفاهم بيني وبينها بسبب فرق العمر
حبيبتي انتي منطويه على نفسسك اوماعندك استعداد تبنين صداقات بدليل انك رافضة الجوال
حاولي تدخلين وتدمجين مع زميلاتك ولابد تحصلين وحده تناسب هدؤؤك
وربي يوفقك
حاولي تدخلين وتدمجين مع زميلاتك ولابد تحصلين وحده تناسب هدؤؤك
وربي يوفقك
الصفحة الأخيرة