ساعدونى للتزيين مكتبى

السلام عليكم لو سمحتم مين عندها افكار للمكتبى حيث اعمل أخصائية اجتماعية بالثانوية واستقبل بمكتبى اولياء امور وطلبة واحب ان يكون مكتبي جميل ويعطى الثقة والراحة للضيوفى فساعدوني مثلا ببعض الاشياء التى يمكن ان اعملها لهذا الغرض مشكورين

عزيزتي :

1- بما إنج تستقبلين أولياء الأمور ،، وتجلسين معاهم للمناقشه فمهم جدا إن المكتب يكون مريح للعين ،، حتى يرتاح الشخص اللي أمامج

2- لازم تعطين طابع ثقه لأولياء الأمور،،، عن طريق عدم وضع اكسسوارات العمر المتوسط ،، القصد اكسسوارات بنوتيه زياده عن اللزوم،، يفضل استخدامج للإكسسوارات المذهبه أو الاكسسوارات الفخمه ،، مثل الجلود أو المناديس الصغيره ،،

3- اجعلي فوق المكتب بعض الزهور البيضاء،،

4- اجعلي مكتبك دايما جاهز من ناحيه الملصقات اللي نكتب فيها الملاحظات والأقلام والأوراق البيضاء وغيره من الأشيا الضروريه

5- وأنصحك بعدم الاكثار من الاكسسوارات على المكتب ،، لأن كل ما كثرت الأغراض فوق المكتب تشتت التفكير و أيضا تعتبر هذي حواجز تؤخر التواصل النفسي عند التعامل مع مشاكل الطلاب


وووووو بالتوفيج

أنا من تجربتي الخاصة مع مشرفات ومدراء اشوف انه اهممممم شي يكون المكتب مرتب ونظيف يعني لما تكون المشرفه عارفه كل اوراقها وحاطتها بملفات مرتبه ونظيفه انا ارتاح نفسيا لكن احيانا تجي المشرفه انوااااااع الحوسة عالمكتب يمكن صح كلها شغل بس فعلا اقول الله يستر لو اعطيها ورقه وين بتروح!!

اشتري مجموعة ملفات وفايلات منوعه ملونة ولازم تصنفي كل اوراقك بطريقه حلوة وسهل توصلين لها ..

ايضا ارتاح للمشرفه اللي يكون لديها مكتبة صغيرة اضافه لمكتبها .. يعني كثير احيانا نكون نتكلم عن مشكلة خاصه فيني مثلا لها علاقه بالدراسة تلاقيها على طول جابت كتاب وفتحت على قسم فيه هي حاطة ملصقات وعطتني نصيحة منه..

حاولي تخلي المكتب فاضي بقدر الامكان ولاتنسي الزهور او لا ماتحبي الزهور لانها تذبل بسرعه جيب لك اصيص زرع اسقيه كل يوم كمان فكرة حلوة ومفيده وفيها الاجر والثواب...

الجدار عندك لاتكثري عليه الاكسسوارات يكفي انه يكون لونه ابيض مدهون مريح للنظر وعليه لوحه وحده بس منظر طبيعي جذاب رايق ..

هذا كل اللي عندي اليوم ولو خطر في بالي شي ثاني بقوله :)

في امان الله والله يوفقك وييسر لك عملك..
رنيــم

مشكورة asm03-ورغد الحياة على الرد والنصيحة بارك الله فيكم وجزاكم الله الف خير

السلام عليكم
حبيت اشارك معاكم وياريت افكاري تعجبك وبم اني انا موظفه اداريه فعندي مكتب وانا حاطه عليه طقم المكاتب الي تلاقينه في مكتبه جرير وحطي اسمك على المكتب ووظيفتك واختاري حق مكتبك لون معين اولونين ويكون الكفر حق الفاين والله يعزك الزباله نفس اللون مع المكتب وياريت اتحطين صينيه تقديم فيها اي شي حلاوة اوبتي فور اوشوكلاته تقدمينهم حق الاهالي وبس اتمنى اني افدتك