ساعدونى يا بنات مين عملت اشعة الصبغة وهل أخرت البريود عندها

يا بنات انا متجوزة من سنة وكشفت بعد تالت شهر من الجواز وكان عندى هرمون البرولاكتين عالى واخدت علاج ظبطه والحمد لله واخدت منشطات وبرضه محصلش حمل لحد ما رحت لدكتورة طلبت منى اشعة بالصبغة عملتها وقالولى انه الانابيب مفتوحه ومفيش مشاكل خالص وقالوا لى انه الرحم بتاعى رحم ذو قرنين يعنى لازم اعمل ربط بعد ما يحصل حمل
المهم انى دلوقتى الشهر اللى فات انا عامله اشعة بالصبغة بعد ما خلصت البريود والبريود بتاع الشهر ده اتأخرت يومين على غير العادة وكمان حاسه بألم فى اسفل ظهرى قولت يمكن حصل حمل رحت جبت تحليل حمل منزلى عملته وطلع لى خط رفيع قوى بس بعدها بعدة ساعات مش بان من الاول ونزلت عملت تحليل دم لكن ما بان فيه حمل
فيدونى يا بنات اللى عملت اشعة بالصبغة هل اتاخرت عليها البريود وعملت ايه
انا رفعت لكم صورة التحليل كمان هى الصورة فى الواقع واضح الخط اكتر من كده لكن لما عملت تحليل دم مش بان حمل