بالعكس انا اشفق عليها .. وهذا المفروض اللي انتي تسوينه

تقولين انها ... ((والالعن ماتشوف احد يتكلم الا تدخل بالنص قولوا وش تقولون ؟؟!!!!!!!!!!))

بالله ذا مايخليك ترحمينها ؟؟ ... البنت تحاول تثبت وجودها .. تحاول تداخل الناس .. بس هي مو عارفه شلون .. ومو عارفه الطريقه .. يمكن لانه ماعندها احد يوجهها .. تضطر تسوي هالحركات كانوع من لفت الانتباه .. وشوفوني تراي موجوده

يمكن انتم ماتعطونها اهميه ويمكن تضحكون عليها .. وهي تحاول انها تكون حبوبه وطيبه قد ماتقدر

بدليل انها سايرتك على زميلتك اللي مالك خلق تضحكين بوجهها
لانها تبي تكون مع الكل مو معاك انتي بس
تبي تكون معاك
ومعاها


اما سالفه انه مافيه خبر ماتنشره ... البنيه مسكينه ماعندها شي تسولف فيه ولا عندها ثقافه ولا اطلاع
طيب هي تبي تسولف مع غيرها مو هدفها نقل حكي هدفها انها تتواصل مع الكل وبدليل ( ياعمري ياقلبي يا حياتي ... ) تبي تبين انها تحب الكل وماتحمل اي ضغينه لا اي احد

وسالفه انها توريكم شعرها مبلول ( معروف عند بعض النساء ان الرجل اذا ضاجع مرته دائما فهذا دليل المحبه والعشق ) يعني هي تبي توريكم انها محبوبه ورجلها يحبها

البنت هدفها انها تكون محبــــــــوبه من الكل .. بس مثل مايقولون الشي اذا زاد عن حده انقلب ضده
وصارت مكروهه لدرجه انكم تكلمتوا فيها وقلتوا عليها طفله

وهذا عيبها انها ماهي عارفه اصول التواصل .. وماتعرف اذا اكانت اللي تسويه صح ولا غلط


المفروض يجي دورك بما انك صديقتها وتمسكين يدها وتوجهيها للتصرف الامثل والاحسن
اذكر اني قريت بالمنتدى العام طريقه كسب الاصدقاء .. او كيفيه التواصل مع الاخرين .. مااذكر
اطبعيها لها وخليها تقراها وشوفي رده فعلها ... ان ماطبقت الكلام اللي مكتوب في الورقه
ما اكون بنت ابـــــــوي

اختي
اقترح عليك تتركينها بالتدريج يعني ما تقاطعيها مره وحده عشان تسلمين من القيل والقال ولا يسوونك حكاية
يعني خلك سطحيه معها خففي جلوسك كلامك خليه قليل ورسمي مكالماتك خففيها وإذا سألك أحد أو سألتك هي وش فيك وش عندك قولي مافيني شي وماعندي الا الخير يعني لا تعطين مجال للكلام ابدا

بعدين مع الوقت بتلقينها تعودت وتعودوا زميلاتكم على انك رسميه معها وصار شي عادي

وهوني على نفسك وتروي في اختيار صديقه مناسبه لك وادعي ان يرزقك الله الصحبه الطيبه

الله يعينك على مثل هالاشكال

شوفي يالغاليه كفي خيرك وشرك عنها ولا تحكين قدامها بأي شيء ومن ناحية تشويه سمعتك عند الناس ماعليك منها مادامك واثقه من نفسك ولا سويت شيء غلط ان شاء الله ربي يوفقك وهي مصيرها في يوم من الايام بتنكشف



الله يوفقك حبيبتي:27:








:26:

السلام عليكم
اختي مساحة ود
شوفي انتي كتبتي تبغي الصراحة ..... بقول وجهة نظري واتأسف اذاظايقتك
اولا تقولي اخلاقها عالية ومافيها كلام .... بس اشياء ثانوية......
انها تضحك وتهلي وترحب بمن سبق وقلت لها اني مابي اضحك لها......
هذه ميزة حلوه انها تكون ذات صدر رحب والسلام على اخيك المسلم شيء موصى به وانه يجلب المحبة بين الناس , والابتسامة ايضا .... ابتسم بوجه اخيك بصدقة , هذا كله مافيه شيء , بالعكس حلو ان تكون لطيف مع من تقابل .. فمابالك بمن هم معك بالعمل خصصوصا انك بتقابلهم كل يوم..
ربما بعد يكون بخاطرها انك تحبي السيطرة وتفرضي عليها ان تكلم فلانة وتزعل على علانة ,
ومدارة لخاطرك ماتبي تقول لك لا , اناحرة في تعاملي مع زميلاتي المعلمات .. ايه لك مكان ارفع منهم بس مومعناتها تحكمي من اضحك معه ومن اترك..... ربماهذه نظرتها

امامن ناحية انك بتنهي العلاقة ما أنصحك تنهي ..... انتي تقولي هي باردة وانا حارة .... ممكن لجلك حارة تأخذي الامور بعصبية شوي ..... والا شوفيها لابتسمت وجاملت زميلاتها... شيء طيب .. ليش نقول نفاق , تبي منهم شيء تأخذة وتنافق لا , بس انها انسانة تقول ليش ازعل دام مأحد غلط علي ازعل على زميلتي وانا ماجاني منها شيء ليه , فيها طبع موحلو هذا عليها وليش ازعل...

اما من ناحية انها تنقل الكلام لا تقولي شيء خاص تخافي تـنـشره .... اوتجيبي طاري لاحد المعلمات باي انتـقاد....
وبهذا وش يصير فيها موحلو بالعكس احسن تعينك انك ماتكلمين بالمعلمات .... الله يعفي ليت نمسك السنتـنا
وصد قيني راح ترتاحي معها خصوصا انها تأخذ الا مور بسعة خاطر ....
ولك بالغ الاسف اذا كنت ضايقتك باي كلمة .... مجرد نظرتي الخاصة وشكرا