ساعدونيبخصوص ولدي الله يجزاكم الجنة

معليش باكمل موضوعي
2- احسه مايعرف يلعب يعني اذا اجتمع مع اطفال مايعرف يلعب معهم ويحب يلعب وحده واحيانا يسرح وكانه بفكر في شي ومعظم وقته قدام التلفزيون وحافظ ماشاء الله كل اللي يجي في البرامج اللي مرت عليها مثل هذي الحالة تقلي وش اسوي واذا لازم اوديه لدكتور اطفال او نفسي وممكن تدلوني على اطباء نفسيين للاطفال في الرياض وياريت طبيبة نفسية ياريت تساعدوني او ممكن الدكتورة تفتيني الله يجزاكم خير

السلام عليكم

حبيبتي انت مرة اتأخرت في ملاحظة تأخر الكلام عند ولدك

والله ولدي مقارب السنتين وماتكلم بعد والموضوع شاغلني ليل نهار

لا توديه لدكتور نفسي على طول روحي به عند طبيب اطفال ممتاز بيكون عنده خبرة اكثر لأن انت عارفة الأيام هذي كثرت حالات التوحد عند الأطفال مثل ما ككثرت حالالت نقص القدرة على التركيز اللي اسسمها بالإنجليزمي attention deficit hyperactivity disorder اللي يرمزولها ب ADHD

لازم تسرعي في الموضوع قبل مايوصل سن المدرسة وهو لسة ماتكلم

نسيت اقولك الله يوفقك وتنحل مشكلتك وتطمنينا عليه بس لا تتأخري في البحث عن سبب المشكلة خليك وراه وراه ولو لزم الأمر انك تروحي لأكثر من دكتور عشان تآخذي كذة رأي او روحي به التخصصي ما في احسن منها

الله يخزاك خير بس اذا ابي اروح التخصصي وشلون يعني اروح عادي ولا لازم حجز معليش لاني جديدة بالرياض ومااعرف احد يدلني الله يجزاكي خير

انا احس ان الوضع عادي ولد اختي ماتكلم صح الايوم دخل المدرسه ولد اختي الثانيه نفس عمر ولدك وصعب الواحد يفهم له قليل يتكلم بس حاولي تقرين له قصص مصوره وتشرحين له وتلقنينه بعض الكلمات اواسماء ناس حوليه