ساعدوني/رايكم بالخطوط القطرية

أنا جربتها مرة حللللوة مريحة وكل شوي جايبين اكل وسناك واجعتنا بطونا من الأكل هههههه
بس فيها عيب واحد تتأخر الرحلة في اغلب الأوقات كيف أقولك رحلتنا المفروض ٦المغرب وجئنا المطار من الساعه٢الظهر وتأخرت الرحلة لين ١٠عليك الحساب كم جلسنا بالمطار ملللللليت مررررة وسمعت من تجارب الناس أنها دائم تتاخر

إيه صح نسيت أقولك كنا مسافرين ماليزيا
وبالطيارة وزعو بطانية صغيرة ومخده وغطا العيون للي يبي ينام وشراب وفرشة اسنان

رحلتي العام كانت عليها .. الرحلة الى تايلند ..

هي ممتازة بس عيبها في الوزن .. مرة قليل اظن ٢٣ كيلو للشخص ..

اختي سافري فيها و توكلي و على قولتهم حطي فبطنك بطيخه صيفي

من اجمل الخطوط كل سفراتى عليها ..

بالعكس التزام بالمواعيد .. الا ماندر .. وفوق كذا راعيه من اول ماتدخلين الين توصلين ..

المظيفين والمظيفات مره ودوين ومبتسمين وخدومين ..

الاكل مره يجنن ولذيذ ..

وفوق كذا الطيارات جديدهـ ..

احجزى وانتى مرتاحه ..