ساعدوني..........زوجي ما عنده طموح

هلا يا بنات ما اريد اطول عليكن
بس عندي مشكله صغيره مع زوجي
انا نفسي نحسن من دخلنا الشهري يعني نفتح مشروع صغير بس كل مرة افتح معاه هذا الموضوع يطلعلي مائة عله ويكرهني في الموضوع
واذا كلمته ايش رايك تكمل دراسه او تاخذ دورات عشان تحسن من وظيفتك وتقدر تشوف شغل في مكان ثاني بيقول وكيف والفلوس و..و...و.. ويطلع مائة عله يعني احسه ما عنده طموح وما يحب يسعى ويجرب في هذي الحياة ودايما اقولة خلينا نكد ونشتغل وندرس ما دام اننا في مقتبل العمر عشان بعدين نرتاح واذا مثلا انا فكرت اتقاعد يكون عندنا دخل ثاني نعتمد علية......... بس لا حياة لمن تنادي بيكون معي في بداية الخط وبيسايرني وبعدين ينتهي الموضوع بزعل منه وسكر الموضوع عشان م نتطور ونتهاوش
يعني فيه شباب في عيلتنا راتبهم كويس وبعد يدورون على ابواب رزق ثانية لأن الراتب في هالزمن ما يكفي واقوله خلينا نسوي مثلهم ونستفيد من خبرتهم
انا طموحه ونفسي حد يشجعني ويوقف جنبي بس هو دوم يكسر من مجاديفي
ايش اسوي شوروا علي يمكن افكاركن يساعدني.............