ساعدوني..كيف أتخلص من الخادمة

السلام عليكم
ارجو منكم ان تساعدوني في هذه المشكلة ( الخادمة) لأني مو قادرة استحملها......
اولا هذه الخادمة تؤثر على الوالدة بشكل كبيييير حتى احيانا احس ان الوالدة هي اللي تخدمها مو العكس .. يعني بتعطيها المبلغ اللي تبغاه وتخليها تروح وتجي وقت ماتبغى .. وتطبخلها الأكل اللي تحبه .. وعندها جوال تكلم وقت ماتحب .. وابدددا ماتطلب منها شي ولا تخلينا نطلب منها وبالتالي نظافة البيت انعدمت .. وانا في البداية لما كنت اطلب منها كانت تتأفف وتزعل والان اذا فكرت فقط مجرد تفكير بالكلام معاها احس بالام في أطرافي وخفقان .. مع انها كل شوية تروح تسأل أخويا اذا يبغى شي وتهتمممم جدا بأكله وشربه ونظافة غرفته بدون ما احد يكلمها.. وماما تثق فيها ثقة عمياء لدرجة انها تخرج وتسيبها مع اخويا لوحدهم ( وللعلم هيه صغيرة في السن ).. والوالدة عادة تكون حازمة مع الشغالات وأول مرة أشوفها تعامل شغالة بدي الطريقة ولا يمكن تسيب شغالة مهما كان عمرها في البيت لوحدها.
المهم انا حاولت اقنعها تجرب شغالات غيرها لكن كل ماتشوف وحدة تقول لا مو مرتاحتلها وترجع تكلم شغالتنا وانا خلااااص حاسة انها حتجلسلنا للأبد.
انصحوني كيف اتصرف......