ساعدوني...ممكن

بعد التحية
حبيبتي انا اشوف ان اللى يبغى يشغل وقتو لازم يطور نفسو ومواهبو ولازم يكون يحبها
مو شرط تكون وظيفة يعني انتي تقولي موهوبة طيب طوري مواهبك بشكل انها تخدمك
مثلا انتي تعرفي ترسمي طوري رسمك عشان ترسمي لوحات حائط او ديكورات اطفال او او
لازم انتي تلاقين نفسك وتدوريين عليها
ناهيكي عن ان ممكن تثقفين نفسك بالقراءة ولا الله يخلي هالتلفزيون والاغاني ؟؟؟؟؟
وبعدين معليش انا استغرب ليش ما كملتي دراستك الجامعية؟؟؟؟؟؟
تقولي ما احب الدراسة وهادا ابسط شي اجل كيف تبغين تتطورين نفسك وانتي بشي صغير ما عرفتي تبدأي؟؟؟؟
حياة الجامعة غير وحاولي تستغليها بانك تستخرجين الاشياء المهمة من خلالها
والله يوفقك

ايش رايك تسوي شموع؟؟
مادة الشمع الخام برخص التراب ممكن تجيبي ماكينة تشكيل الشمع ما تكلف كثير وبعدين تزينيها على ذوقك وتسوين سلة هدايا مكون من شموع احجام والوان وتنزليها في السوق وانا متأكده ان عليها طلب خاصة في محلات ابو ريالين..
شغلك كله حيكون في البيت ما يحتاج تسوي مصنع والا معمل وبعدين اذا الله فتحها عليك تسوي مصنع كبير ويصير اسمك ماركة معروفه ليش لاء؟
ما فيه شيء صعب اذا امنتي ان الله راح يوفقك راح يوفقك مثل ما تعتقدين بالضبط وبالتوفيق مقدماً...
:)

ليش ماتكملين وتدخلي قسم فنيه اتوقع لك مستقبل

لا ممتاز تفكرين تشغلين نفسك بشئ ينفعك الله يوفقك انشاء الله

طورى مواهبك وراح تبدعين انشاء الله