ساعدونيييييييييييييييييييييييي يييييي

مرحبا..عشان اسمك دلول فأنا راح أرد عليك يا دلووووول!!
الشد يا اختي هو تقلص العضلات نتيجة لامتصاص الكالسيوم من جسم الأم لجنينها أو طفلها لما ترضعه>> قرأته في تقرير طبي عن هالشي..أفضل شي لها انها تتحرك على خفيف..يعني لما تغير للنونو و لنفسها (كل ساعتين-ثلاث) تحاول تاخذ لها لفة على البيت عشان ما يجيها "جلطة الساق" واللي تصيب الوالدات كثيييير و الناس اللي ما يتحركون أبد..و لما تستلقي تحاول ترفع رجولها لمستوى أعلى من جسمها عشان تتحرك الدورة الدموية زين..
و لما تغير لنفسها الصباح أكيد بتتنظف و تلبس جديد عشان تبدا يومها، فالأفضل انها تسوي لنفسها مساج في الحمام -الله يكرمك- لكامل جسمها بزيت اللوز و السمسم مع بعض تخلطهم..
أنا دوبني طالعة من نفاس صار لي أسبوعين، بصراحة يخلي البشرة رووووووعة و يقوي العظام و ينشط الدورة الدموية..أساسا حتى النفسية تكون حلوة بعد النظافة و المساج..
خليها تحط مشد لبطنها بعد 10 أيام من الولادة و لمدة شهرين عشان تختفي الكرش -أنا لابسته الحين :) أفكه بس وقت النوم اذا ضايقني بس..و تحط كمان مشد خفيف حوالين الفخذ فوق الركبة عشان تلم رجولها و و تضبط الخياطة صح..هذا أبدا ما تفكه هالمشد!! تحاول تمشي على أطراف أصابعها..هههههه..والله هالشكل أفضل للخياطة..لأنها لابد ما تسهى و تتربع أو غيرها من الحركات اللي تخرب الخياطة و تفتحها..

بالنسبة للسواد، فخليها تبدا برنامج من اليوم الخامس-السابع لولادتها، تكون خفت شوي و تقدر تتحرك..في الليل تمسح جسمها بالخل و لسان البحر، تكون منقعة (كوب لسان البحر مطحون بودرة+4 أكواب خل التفاح الطبيعي + 3 ملاعق طعام قهوة تركية) في طشت لأنه راح يفور و يرتفع لأعلى..لما يخلص فورانه احفظيه في قارورة زجاج مغلقة و حطيه في الحمام لمدة أسبوع بعدين استخدميه..تمسح فيه جسمها بقطنة و تنتظر 5 دقايق يجف و تلبس بجامتها و تروح تنام..راح يشد الجسم و يسحب السوائل المحتبسة لبرى و يزول السواد ان شاء الله و تخف - تزول الخطوط البيضاء.. في الصباح لما تغير، تتنظف و تمسح جسمها بمنقوعة المرة و الشبة بالقطنة و تخليها تجف و تدلك جسمها بالزيوت..لاحظي المنطقة الحساسة لا تحط عليها شي أبد ايلين ما يلم جرح الولادة إذا والدة طبيعي..هذا كان برنامجي طوال الأربعين..طبعا الوجه كنت أنظفه في الليل و أمسحه بليمون و لما يجف أغسله و أرطبه بسودو كريم..و أرطب حوالين العيون بزيت اللوز عشان السواد و الارهاق..و أهداب الرموش بالخروع عشان تطوووول و تكثر..طاااحت مع الطلق و الولادة..هههههه..و في الصباح أنظفه و أمسحه بالمرة و الشبة ولما تجف أرطبه..
بعد الأربعين (لما الخياطة تضبط) يبدا برنامج العناية الفائقة :) ..
تنظف بالمغربي كل أسبوع (لمدة شهرين ايلين يستوي جسمها-بعدها تخليه كل أسبوعين أو شهر) و تسوي تقشير و أقنعة لجسمها و تدلكه خلالها بحركات دائرية من الأسفل (الأطراف) للأعلى ناحية القلب ..طبعا البرنامج كالتالي:
تنظيف>> تقشير >> قناع >> ترطيب
** تنظف بصابونة البابايا روووعة خليها تجف على جسمك 5 دقايق بعد ما تدلكينه فيها..
** التقشير بأي مقشر تحبينه..أنا أفضل اللي حبيباته كبيرة..
** القناع: أنا استخدمه مرتين-ثلاثة في الأسبوع:
1- قناع (2 بيضة + 5 ملاعق طعام كاسترد + شوية ماء ورد ) تخلطهم و تحطها عالجسم لمدة 10-15 دقايق..هذا القناع خياااال يلمع الجسم..مرة-مرتين في الأسبوع
2- قناع (1 زبادي + خميرة + شوفان + دقيق بر + ليمون) حطي المقادير لما تتجانس الخلطة و خليه عالجسم لمدة 30 دقيقة..هذا القناع لا يعلى عليه في الترطيب و النعومة و الصفا و تفتيح البشرة..مرة في الأسبوع
** الترطيب: (زيت لوز + زيت سمسم + جلسوليد + سودو كريم + جلسرين سائل + كريم أغادير المغربي + فكس) صراحة رهيبة تخلي البشرة زي الزبدة..المقادير حطيها متجانسة بس الفكس خليه أقل بمقدار النصف بالمقارنة مع الكريمات..أنا صراحة أحب قوامها زيتي أكثر...بس أنا للحين ما أضفت الفكس لها..بسأل دكتورتي أول لأني أرضع..حاليا استخدمها بدونه..و كريم أغادير أول مرة أجربه، سمعت عنه في المنتدى..

المنطقة الحساسة -وعذرا- لها برنامج خاص: بعد ما يطيب الجرح نهائيا تحط عليها مرهم بيتادين في الليل لمدة أسبوعين..يفتح المنطقة بنسبة 90 % يقولون الأخوات في المنتدى..أنا للأسف ما لقيته للحين في الصيدليات..و تحط قناع (بودرة جونسون + ماء ورد) زي العجينة بعد ما تشيل بالحلاوة مباشرة..لا تغسل بالموية أبد بعد ما تخلص لأنه راح يسود المكان و تتركه نص ساعة..حتى الجسم، يفترض بعد الحلاوة ما ينغسل تحط أي قناع عليه..طبعا الأفضل تنظف و تقشر جسمها قبل الحلاوة و لما تخلص حلاوة تحط القناع و بعدها تغسل و ترطب الجسم لأنه بيكون متحسس مرة..و هذي الطريقة أضمن لك انه ما يحبب جسمك بعد الحلاوة و لا يسود..خاصة لو استخدمتي في الترطيب سودو كريم...
بالنسبة لمسح الجسم بالخل، فالبعض يواصله لأكثر من شهر حتى يجيب نتائج أفضل..

الرياضة مهمة...وإذا ما فيه وقت..فالأفضل تسوي رياضة شفط البطن (قبض العضلات) للداخل لثواني و ترخيها لثواني مع اعتدال الظهر..نفس طريقة الكيجل للمنطقة الحساسة..أنا أسويها لما أنتظر الخل أو البابايا أو منقوعة المرة تجف..بديتها بعد الولادة بشهر..

أنا كل يوم اتسبح و انظف بالبابايا و أسوي الترطيب..بس التقشير و القناع مرتين في الأسبوع..و التنظيف المغربي مرة وحدة..طبعا النتائج تبان بالمثابرة على هالبرنامج..و على فكرة هو صح شغل كثييير بس أنا أحبه لأني اختلي بنفسي و استرخي، لا زوج و لا طلبات ولا شغل ولا صراخ أطفال و لا رضاعة..أنا بس لنفسي..

كثرت عليك..بس حبيت أقولك على تجربتي..و بصراحة قاعدة تؤتي ثمارها و نفسيتي حلوة..
ويقولون "النفاس يا دمار يا عمار"
فبإذن الله يكون نفاس اختك عمااااااااااااااااار..و الله الله بالتغذية الحلوة و الأشياء اللي ترجع الحرمة بنوووووته حلوة!! >> استخدمت نظام فيافي
و نصيحة لا تاخذ شي يسمنها إذا ودها تسمن..خليها ترجع صحتها أول و بعدين تسمن على كيفها..أما تسمن على كرش و سواد و قعدة طول الوقت في الفراش فما يصلح أبد أبد...
و نأسف على الهرج الكثيييييييير..

الله يعطيك العافيه
ويسعدك ربي والحمدلله على سلامتك
والف الف شكرررررررررررررر

جزاكي الله خيرا علي المعلومات المفيدة ديه ربنا يجعله في ميزان حسناتك

أختي العزيزة جبيت اسأل هوة الوحده بعد استخدمها للحلوة متغسل بالمياه جسمها عشان يسبب سواد للجسم ولا ايه ؟

اللهم ارزقني الذرية الصالحة المعا فاه أنا وكل الأخوات والمحرومات

لما تنوين تنظفين جسمك بالحلاوة فأفضل شي..اتحممي و نظفي بشرتك زين و سوي تقشير..بعدها جففي جسمك و نظفي بالحلاوة..لما تنفتح مسامات جسمك من التنظيف بالحلاوة فبتكون البشرة نظيفة و لا راح يدخل في المسامات بكتيريا العرق أو غيره من أوساخ الجسم وبكذا تتفادين الحبوب بعد الحلاوة و السواد..هذي المعلومة قالها لي استشاري تجميل بشرة..بعد ما تخلصين حلاوة، لا تغسلين جسمك بالمويه و انما حطي قناع مباشرة..للمنطقة الحساسة أفضل شي لها (بودرة جونسون+ماء الورد) وحطيه على الجسم بعد أو جربي قناع الزبادي اللي ذكرته..و اتركيه نص ساعة..بعدها غسلي جسمك زين و جففيه و رطبيه..
و بس.. :)