ساعدونيييي تكفون

ماشاء الله تبارك الله اول شي لاتكلفون على نفسكم لان في الفطور محد ياكل اساليني كان عندي عزيمه وتعبت نفسي من قبلها بليله والاكل رجع مثل ماهو يادوب اكلو شوي
اول شي اتوكلي على الله وسوي الحلى البارد اول شي واللي هو كسترد ومهلبيه وكنافه وكريم كراميل
ثاني شي سوي عجينه كبيره وشكليها من كل شي صينية بيتزا وفطاير دجاج واللي تحبيه
بعدين سوي الشوربه والصواني صينية مكرونه بشاميل او صينية دجاج بالخضار او شاورما او مسقعه اللي انتومتعودين عليه وتحبوه عالفطور وسوي نوعين سلطه فتوش وتبوله او سلطة المكرونه وسوي انواع من السمبوسه لحم وجبن او دجاج واخر شي العصير
ان شاءالله تكون عزيمتكم حلوه وتبيض الوجه واتمنى اكون افدتك

الله يعينكم اختي اهم شي عندي الصياني والمعجنات والحلا

الله يعينكم

أولا قبل ليله سوو صواني الحلي شكلين كل نوع صينيتين

بعدين جيبو من برا نوعين حلي يعني بلح الشام وقطايف او كنافه صينيتين ممكن تسوا الكنافه بالبيت

المعجنات ممكن تجيبوا جاهزه مشكله يعني اسهل

بعد ورق عنب جاهز

يعني اذا تقدرو تشترو شي من برا لا تقصرون عشان الوقت والحوسه في المطبخ

لازم صواني فرن مكرونه او خضار

لازم شربه وطبق رئيسي رز او مثلوثه

سلطات ممكن نوعين

فواكه وعصيرات

سمبوسه واذا تحبون لقيمات

والله يعينكم وييسر امركم

ماشاء الله الله يعينكم
وبما انها عزومة كبيرة لازم شي للعين وشيء للبطن زي مايقولوا وبالأخير وزعي عليهم من الأكل علشان لاتتوهقون

طبعا لازم تحاولي تحضري بعض الأطباق من اليوم الأول
هذا رابط لبسبوسة روووعة ولذيذة مره والأفضل تتعمل قبل بيوم لأنها كل مابردت كل ماكانت ألذ
http://forum.hawaaworld.com/showthread.php?p=15867591#post15867591

وكمان لو حتعملي كنافة من اليوم الاول
او خلية نحل....
لاتفكري تعملي لقيمات نهائي لأنها تآخد وقت ويمكن تخترب معاك وقلي وحر وشغلانة طويلة عريضة ماتنفع وقت العزايم..



وكمان اعملي عجينة القطن واعملي منها كمية كبيرة من الأقماع ودخليها الفرن وحمريها ولمن تبرد دخليها الفريزر

ويوم الجمعة قبل العصر طلعيها وتكوني مجهزة حشوات منوعة(( تونة وبصل ومايونيز, جبن وبقدونس, لبنة ورشة زعتر,دجاج وخضار)) سخنيها مكرويف لو محتاجة واحشي ورصي...

وهذي عجينة على ضمانتي تطلع روعة ان شاء الله وهشة..

هذي طريقة لعجينة رائعة جدا" أخذتها من منتدى لك وجربتها نتيجه خياليه ماتوقعتها تطلع هشة بالمرة وزي القطنه
جربوها وادعوا لي ولصاحبة العجينة
المقادير
كأس حليب جاف
كأسان ماء دافىء
2م طعام خميرة
نصف كأس زيت
فنجان سكر
ملعقة شاي ملح
ملعقة طعام بيكنج بودر
4 كاسات دقيق ( حسب الحاجة)
الطريقة
ضعي في الخلاط (الماء والحليب والخميرةو الزيت والملح والسكر) اخلطيها جيدا" ثم بعد ذلك اعجنيها تدريجيا" مع الدقيق حتى تصبح لديك عجينة طرية متماسكة تترك تتخمر ساعة وتستخدم






وطبعا الحلى البارد سواء كريم كراميل او اي نوع حلى بارد اعمليه من الليل اللي قبل علشان يمدي يكون متماسك وبارد ومايزنقك الوقت....


ولو حتعملي مكرونة بالبشاميل من الليلة اللي قبل اعملي الخلطة تبع الكشنة والمفروم او الدجاج علشان الجمعة يبقى سلق المكرونة والبشاميل وتخف الحوسة شوي...

اعملي حسابك على الجمعة عندك قلي سمبوسة لازم تكوني مجهزتها من قبل مفرزنة
وعندك سلطة نوع او 2 لازم تتعمل بعد العصر علشان تكون كويسة
وشوربة
وأكيد بيكون فيه صواني (( مكرونة باشميل او محاشي او المنتو الكذاب ))

وفيه كمان صينية الدجاج بالخضار والروب لأم الذرابة مره روعة وتفك زنقة لأنها تعملي لها بهارات وخلطة وتنقعيها طول الليل في صينتها ومن بكرة تدخليها الفرن لمدة ساعة كاملة بعدين تحمريه...


ويارب يكتب لكم الأجر ويعينكم..