ساعدوني..............

في اي بلد.

حبيبتي عسى الله يوفقج و يرزقج من اوسع ابوابه ...

بس خبرينا اكثر عن طبيعه الشغله و المؤهلات...

دايما اقول يا ريتني اقدر افتح مشروع و اشغل كل بنات بلادي... عسى اقدر اساعدج بس نصيحتي ياووخيتي لج بان تكتبين سيرتج الشخصيه و اذكري بيها كل صغيره و كبيره من ناحيه الدراسه.. خبره العمل..الانشطه اللي قمتي بيها...المهارات اللي تملكيها و ارفقيها برساله مكتوبه بطريقه رسميه لطلب العمل و صوره من كافه الشهادات و الخبرات..

و الشي الثاني شغلي كل واسطه تعرفينها بس تاكدي ما هم بنافعينج و لا ضارينج الا باذن الله سبحانه فخلي ربج واسطتج و الناس وسيله..

و يا رب نسمع عنج كل خير

آسفه على التأخير ومشكورين أنكم رديتو

أنا من السعوديه......الشرقيه
والشركه في الخبر إذا كنتو تعرفو عنها شئ خبروني
وراح أعمل بنصيحتش يا وخيتي.........

حبيت اساعد بس انا من قطر .


احسن لك اتصلي على الشركه واسألي . حتى تطمئني.

السلام عليكم.. يا خيتي انا مو من السعوديه بس مثل ما قالت لج الطيبه من قطر اتصلي عليهم و اساليهم عن اي موقع لهم ع النت ,,انا دورت عن طريق جوجل و ما لقيت لج شي مفيد .. :29:



و نسيت اقولج انه خذي السيره الذاتيه لهم بنفسج و حاولي تقابلين مدير الموارد البشريه و التوظيف..خليج واثقه و تحجي معاه بطريقه رسميه ,,اشرحي له ليش انتي مناسبه للوظيفه ,,اكيد بمؤهلاتج..هذي الطريقه شائعه و مفيده لانها تبين مدى ثقتج بمؤهلاتج و اللي بدورها راح اكيد تنعكس ع ادائج الوظيفي..

شدي الهمه و تاكدي انه الله لا يضيع اجر من احسن عملا ..

طمنينا عليج