السلام عليكم ورحمة الله وبركاته
اتمنى من كل انسان يقرأ قصتي يدعي باللي يقدر عليه وعدم الاستهزاء بكلامي اللي ماعندها رد ولا مساعدة وماعندها غير الاستهزاء تسكت احسن لي ولها
والمعرف هذا لصديقتي سارة هي تزوجت بالعيد توو ربي يسعدها وعطتني قالت لي يمكن تلقي احد يساعدك
انا بنت عمري 20 سنة ادرس في اكس فورد البريطانية حقوق من سنة تقريبا توني بدات انا من عائلة مرتاحين ماديا جدا جدا جدا وهو سبب ضياعي
للاسف اهلي من صغري مع الشغالات والخرجة مع السواق ماقد حسيت ان لي عائلة مثل اي انسان لي ام واب ابوي وامي مناصب بالدولة وام منصب بالتجارة
تربيت لوحدي عشت لوحدي لي اخ واحد شاب واخوات اكبر مني اقسم بالله بالبيت كلنا بس كل واحد عايش لوحده مايدري عن الثاني
امي وابوي عندهم الاهتمام ان كل وحدة بسيارة وسواق وفيزا وبس مالي عندهم وقت اقسم بالله اني خلصت الثانوي وامي وابوي مايدرون انا باي صف لما طلبت منهم ادرس بلندن ماكان عندهم اي مانع طبعا
تعرفت ع واحد بجد احبه واعشقه وادري غلط بس قسم بالله حسيت معه باللي ماحسته باهلي وهو يحبني ولا قد حاول يجرحني ولا ياذيني وربي انه يحبني لذاتي لا فلوس اهلي ولا غيره
لي 5 سنين احبه لدرجة اموت فيه ماقد غلط معي بالعكس يحبني يحترمني ويخاف علي اكثر من هلي لو انه لعاب كان عرفته بالخمس سنين لان كل يومي معه واقسم بالله ماقد طلعت معه غير مكالمة مافي ولا يرضى علي وانا اللي طلبت اقابله ورفض مليووون مرا و زعل
حسيت معه اني لي ام واب واخت واخ وحبيب وكل شيء بالدنيا اقسم بالله مااحتاج احد ثاني بحياتي وهو فيها
رجعت ع رمضان السعودية احسنس صحيت كان كنت نايمة بدايت احس بالذنب والغلط كيف اكلم رجال غريب واحبه صرت اسمع كلام شيوخ كيف هو غلط وحرام والله مايحبني حاولت اتركه اكثر من مرا بس احسني انجن مااقدر وش اسوي لوحدي ارجع لوحدي
وبنفس الوقت ضميري واجعني كل مايدق واقفل ابكي بعدها ودي مااكلمه يوم بعد يوم قللت المكالمات واللحين
هو سافر مع اهله مااكلمته غير مرتين
رجعت صارحته وماتوقعت ردت فعله بالعكس قال لي اللي يريحك سويه وربي يريح قلبك وانا معك وين ماتبين لو تبيني اروح اروح الليحين بس اناا اللي ارجع واكلمه
اللي ابيه ابي اصير انسانة راضية عن روحي ماابي احس اني اسوي غلط وذنب ابي اترك كل الذنوب كنت اسمع اغاني وتركتها كنت ادرس برا ورجعت وسجلت بالجامعة دراسات اسلامية
والله لما اصلي واستغفر احس فيه شي بداخلي يقول لي مستحيل ذنوبك تروح ومستحيل ربي يرضى عنك اصير متلخبطة
مدري وش اسوي اذا تعرفون اي احد يساعدني تكفووون دلوني وين اروح وش اسوي اكلم مين فيه مكان اروحه يساعدوني اقسم بالله مالي احد غير سارة صديقتي اللي دلتني عليكم واللحين تزوجت و سافرت برا مع زوجها
ابشع احساس الاحساس بالذنب
ودي ابدا حياة جديدة ممكن اصير زي اي وحدة تتزوج وتصير ام وتعيش براحة ماابي ولا شيء غير هالاحساس
اي وحدة بتقول ليه حبيبك مايتزوجك بقول لها اهلي مايرضون غير بالناس اللي مثلهم وهو مو منا وجاء ابوي وطرده
طولت عليكم اتمنى تساعدوني
سارونة 123 @saron_123
عضوة جديدة
يلزم عليك تسجيل الدخول أولًا لكتابة تعليق.
انا كنت مثلك ماعندي ام متوفيه من يوم عمري 8 سنوات وابوي يتزوج ويطلق وتزوج سوريه (( ماقول غير حسبي الله عليها عشت معها بعذاب ماتتصورونه))والهته عنا كثيييييييييييييييييييييييييييييييييييييير وحالتنا الماديه عاديه جدا حسيت بحاجه كبيره لحنان واني افضفض لاحد ما القى احد اكتم اللي فيني واغطي نفسي با البطانيه وابكي وابكي واتشكى كاني اتشكى لاحد وارتاح شوي واقوم اتوضا واصلي ركعتين قسم با الله احس برااااااااااحه عجيبه جدا احس باحساس غريب احس ان الله يسمعني وانام ونا جدا مرتاحه ويوم عن يوم اتقرب لله اكثر وسجلت بمركز تحفيط والحمد الله حفضت نص القران وكثرت مشاكلنا با البيت بدرجه فضيعه وديما المشاكل تكون على راسي ويضلموني باني انا الغلطانه وكان بيوم عرفه وكنت صايمه ودعيت ربي دعوه من قلب يطلعني من هالبيت ويعيشني بسعاده اقسم با الله اقسم بالله يومين وانخطبت والحين متزوجه وعندي بنوته قمر ومبسوطه جدا الحمد الله وعمري نفس عمرك
تقربي من الله اكثر تلقين السعاده
تقربي من الله اكثر تلقين السعاده
يعني راح ربي يرضى عني مثل قبل لي 4 ايام اصلي الوتر واقرا قران بروح مكة بكرا ان شاء الله ودي اروحها
احيانا يجي ببالي كلام انه مستحيل ربي يرضى عني وبنفس الوقت فيني شيء يقول لالالا ربي بيحبك ويرضى عليك عذاب ضمير وتصارع فضيع
يعني اكمل عنا بقسمي الجديد واترك الدراسة برا مع ان اهلي مو عاجبهم الدارسة هنا يقولون تضيعين روحك وانتي ممتازة هنا بس ووربي ارتحت راحة فضيعة لما قدمت بالقسم هذا وببدا من الصفر ان شاء الله ادعوا لي ربي يبعدني عن كل ذنب ربي يبعده عن كل مسلم يارب ادعوا لي ابدا حياة جديدة زينة وربي راضي عني تكفون وربي ماتدرون كيف انبسطت في ردودكم ماتوقعت احد يسمعني ربي يسعدكم يارب
احيانا يجي ببالي كلام انه مستحيل ربي يرضى عني وبنفس الوقت فيني شيء يقول لالالا ربي بيحبك ويرضى عليك عذاب ضمير وتصارع فضيع
يعني اكمل عنا بقسمي الجديد واترك الدراسة برا مع ان اهلي مو عاجبهم الدارسة هنا يقولون تضيعين روحك وانتي ممتازة هنا بس ووربي ارتحت راحة فضيعة لما قدمت بالقسم هذا وببدا من الصفر ان شاء الله ادعوا لي ربي يبعدني عن كل ذنب ربي يبعده عن كل مسلم يارب ادعوا لي ابدا حياة جديدة زينة وربي راضي عني تكفون وربي ماتدرون كيف انبسطت في ردودكم ماتوقعت احد يسمعني ربي يسعدكم يارب
حبيبتي اهم شي انك حسيتي بغلطتك هذي اول خطوه للتوبه
اشغلي نفسك بدراستك احضري دورات ومحاظرات وندوات دينيه
حاولي تتقربين من اهلك حتي لو هم مشغولين اكسبي خواتك تواصلي معهم تري هم اللي بيبقونلك
غيري من روتين البيت في تعاملك مع والدينك ومع خواتك خليك سباقه بكل شي وصدقيني راح تحسين بفرح وسعاده بحياتك
اشغلي نفسك بدراستك احضري دورات ومحاظرات وندوات دينيه
حاولي تتقربين من اهلك حتي لو هم مشغولين اكسبي خواتك تواصلي معهم تري هم اللي بيبقونلك
غيري من روتين البيت في تعاملك مع والدينك ومع خواتك خليك سباقه بكل شي وصدقيني راح تحسين بفرح وسعاده بحياتك
الصفحة الأخيرة
اول شي ..اهنيك على تفكيرررك واحسااسسك بالغلط ...
والي يغلط مايتعلممم ابد .....
شوفي نصيحه من اخت لا فلوس ولامنصب ولاجمال ولاشي
بينفع بني ادم بيوووم ماينفعه شي غير عمله الصالح ....انتي فكري
حنى جينا بدنيا للعباااااااده فقط ...والشيطان وجوده معنى يغوينااا
عشان مانفوز بالاخرررره ......اكيد مكالمتك للولد غلط وحرررررام ...
اذا قصدك اهلك مايدرون مو مهم لاتعاقبين نفسك عشان تلفتين نضرك لهمممم ..بالعكككس ...سوي الاشياء الي ماسوووهااا ...
نصيحه صلي ركعتين اخر اليل وادعي فيها باللحاااح واستغفررررري
الاستغفار سحر عضييييم لغفران الذنووووب ويشرح الصدررررررر
وصدقيني بتصلح حياتك اذا راقبتي الله عز وجل في كل لحضضضه