ساعدوني 😭

بعض الاطفال كذا مزاجهم يبكو على كل شي ويكون من الم في البطن او الجوع او الظمأ او حتى الخوف والقلق ,, لين يصير عمرهم 4 شهور او 5 ,, يبدون يستوعبون اللي حولهم ويتفاعلو اكثر مع المحيط حولهم .

حاليا كلما بكت حاولي تشيليها وتضميها لاتتركيها بس تبكي او تهزيها على رجلك , ماينفع هالوضع لكل الأطفال وانا ضد هز الأطفال تماما من اول الولادة وحتى يكبرو .

لأنهم راح يتعودو على هالهز وماراح ينام او يرتاح الا على رجليك تهزيه الا اذا انتي متفرغه تماما له .

سمي عليها واقري عليها وسولفي معها كأنك تتكلمي مع احد يفهم .. يمكن ترفض هالشي بالبداية لأنها ماتعودت .. شوي شوي بتتقبل الوضع وترتاح لهالحركة لانك قريبه منها ومافي داعي هالبكاء كله .

وان شاء الله اذا عدت اربع شهور جيبي لها العاب تفاعليه ضويئة وصوتية راح تعجبها كثير وتنشغل بها لكن لدقائق فقط مو طول الوقت .

فترة ان شاء الله وتعدي على خير .. انا كان طفلي يبكي اذا غسلته من البراز بالمويه لين تصير شفايفه زرقاء من شدة الصياح والكتمه وكل من في البيت يعتقدون ان صايره له مصيبه كبيرة . :D

انتي خليك سمحه ومتقبله هالصياح من بنتك وان شاء الله تتحسن الأمور .

موفقه .

بعض الاطفال يكون كذا صياح
اذكر امي تقول اختي كانت صياحه لحد ماوصلت لعمر سنه وهي ماتسكر فمها
لحد مامشت ونطلقت ..
واختي الثانيه كانت عكس تقول مالها حس تقول لدرجة احسبها نايمه
اذا طليت بعيونها الي مفتحتها وساكته ...
انصحك انك ترقينها مع كل سفره المغرب والفجر ومسحي وجهها
بماء زمزم وماقدامها الي العافيه ..

سفره .. اقصد فيها وقت مغيب او شروق الشمس
لغير الناطقين بهذي اللهجه ...هههههه

جزاكم الله خير