ساعدوني

اول شي انتي كيف علاقتك مع ربي تصلين بوقته تقرين قران تقرين اذكارك اذا مقصره حاولي انك ترجعين لربي وادعي ان اللي فيك يروح باذنه سبحانه ثاني شي روحي لدكتور مختص يعني دكتور نفسي يساعدك لن فيه ناس مثلك اتوقع تحتاجين جلسات او علاج يخفف من اللي تمرين فيه اسأل الله العظيم رب العرش العظيم ان يشفيك.

ممكن الدكتور يصرف لك مهدئات لين تستقر حالتك وان شاء الله تتشافين بدونها

الله يشرح صدرك يارب ، رأيي انك ماتلجأين للمهدئات لأن مشكلتك مؤقته والمهدئات تخليها دائمه .
مريت بنفس تجربتك بالضبط ، وتعبت من كثر التفكير بدون فائدة
أولاً لااازم تلتزمين بالورد اليومي صباحاً ومساءً وجربي تقرأين سورة البقرة كأنها مهدئ طبيعي ، ثانياً اذا حسيتي انك بديتي تنكتمين اطلعي امشي في حديقه والا مكان مفتوح . ثالثاً واجهي الافكار اللي تجيك وجاوبي على كل سؤال يجي في ذهنك
، يعني طول الايام اللي فاتت تجيك فكرة انك بتموتين الحين ولا متي !!.. يعني في شيء خطأ بالموضوع وهي وسوسة شيطان عشان يوهنك ويحزنك ويخليك مربوطه مو قادرة تعيشين حياتك ولاتنبسطين ولاتصلين صح ، اول ماتجيك الفكرة تعوذي من الشيطان واقرأي سورة الناس
رابعاً جيبي كتاب الرقية الشرعيه وارقي نفسك قبل النوم ، ممكن تجيبي قارورة مويه وتقرين فيها وتنفثين وبعدها تشربينها
رابعاً الدعاء الدعاء الدعاء ان ربي يشفيك ولو حصل تروحين لمكه وتاخذين عمرة وتدعين وتشربين ماء زمزم بنية الشفاء .
وابعدي عن المستشفيات والمهدئات الاغلب ماجابت نتيجة معه .
اذا احتجتي اي شي تواصلي معي خاص

اشغلي وقتك قد ماتقدرين وامشي كثيييييرررر واذا تقدرين بعد سوي رياضه وبعد حافظي ع الوتر واشكي فيها كل همك لربي بدون لاترتبين الكلام اشكي كيف تعانين وكيف شعورك واطلبيه يشرح صدرك واهم شي احسني الظن بالله و اذا صليتي ودعيتي الوتر قولي خلاص انا شكيت همي لله ووكلته امري وهو ماراح يتركني ماعاد بفكر كثير ولااهتم دام امري بيده

انتي راح تموتين لا محاله عادي حطي يقين ان الموت مو نهايه الحياه فيه حياه ثانيه وغيري تفكيرك لا تخافين من الموت لان خوفك ماراح يقدم ولا ياخر انبسطي بالي موجود 😙