ساعدوني

السلام عليكم ورحمه الله وبركاته
انا عندي ٤ اخوات وانا معهم الخامسه واكبرهم انا، اخواتي ابي منكم النصيحه ارجوكم خواتي الي بعدي وهي الثانيه ( انا الاولى وعشان يسهل الفهم اقولكم مثال اسمها ياسمين) ياسمين اختي هذي عاقه عاقققه بامي بشكل يصدم تضرب تصارخ وتهاوش وهي بعمر المراهقة والبنت من الاخير متمرده على امي بشكل قوي ولحد يلومني مافيني الحيل ابعدها عن امي وقسم بالله اذا دفيتها تضربني ضرب الموت والفارق بيننا كم سنه انا اكبر منها ومع ذلك هي ضربها قووووي تقول افغاني متعافي وقسم بالله وتعتبر امي عدوه لها واي شي تقوله لها تقول انتي غلط وتكرهيني في مره قالت امي لها غسلي اسنانك عشان يوم تكبرين م تحتاجين تدفعين فلوس لانك اصلا محافظه عليهم وتجي تصارخ تقول مالك دخل وهالكلام ومره عشانها صحت من النوم وماتبي تغسل فمها وتقوم تصاررخ وتقول انا نظيفه مالك شغل وانتب النجسه وكلام كثير مره
واختي الثالثه نسميها ابتسام هذي امي تقول سوي كذا تروح تسوي عكسه انسانه مجنونه وتضرب وتصارخ وتغث امي بشكل لا يصدق واما اختي الرابعه ( شهد) هي لطيفه شوي مع امي لكن لو صار شي تحطه براس امي وتلومها واما الاخيره ( غرام مثلا) هذي وش احكيكم جنووون مو طبيعي ضرب وضربت وتصفيق وصفقت وتضرب امي وتدعي عليها وتشوه سمعتها عند ابوي بحكم انها دلوعه عنده وعنييييده هي صغيره عمرها من ٤ لين ٦ (بكتب الاعمار كذا مابي اوضح الله يجزاكم خير) وياسمين من ١٢ لين ١٣ وابتسام من ٩ لين ١١ وشهد من ٨ لين ١٠ وغرام زي ما قلت من ٤ لين ٦
ابي افهمهم انه حرام وعقوق ويبدون يحترمون امي وربي امي محافظه مره وما كانت عاقه لجدتي واطيب قلب هي وللمعلومه ابوي مايعرف شي من هذا كله وان عرف بيلوم امي يعني اخر حل ابوي وبالنسبه لحل الضرب قلت لامي لكن تقول قلبي ما يقدر اضربهم وتبكي والله امي الحين صار قلبها يعورها كثير وتبكي خواتي ابي اسالكم بعد بالسالفه ذي عطوني حل وابي اسالكم تكفون 🛑🛑🛑📛📛📛( هل اذا امي قلبها صار يعورها دايم وتبكي دايم وتكتم كثير بيصير شي لها؟) انا صغيره وخايفه عليها مابي تتركني تكفون ماعندي غير ماما واحاول اعيشها افضل عيشه عن ابوي وخواتي وقسم م عرفت قيمتها لين كبرت وصرت اخاف افقدها💔 حتى صرت اشتغل بمشروع للمطويات وانا صغيره بس عشان القى مصاريف واحقق احلام ماما واحلامي