ساعدوني

السلام عليكم ورحمة الله وبركاته..
مرحبا بالجميع وحشتوني وحشتوني وحشتووووووني:):)
عندي لكم اليوم سالفة وابي اخذ رايكم فيها..
هذا يا طويلين العمر والسلامة زوجي له صاحب هو واياه الروح بالروح..واحس من كلام صديقه وطريقته ولزقته عندنا بالبيت انه معجب في طبخي واهتمامي ببيتي ورجلي وعيالي ويمكن انه يمدحني عند رجلي ماادري بس الرجال محترم مااظلمه بشي..المهم الولد تزوج من 5 شهور تقريبا..واصر الا يبي زوجته تعرف علي مو هنا المشكلة لاني كنت لازم باعزمها وبازورها وباتعرف عليها بس ماسنحت فرصة..الا في يوم اصر اننا نطلع مكان عام (نسائي) وجت هي مغطية ولا رضت تكشف!!وقالت عذر مااقنعني بس عادي طنشت..مرت الامور تمام ووناسه.سألتني عن اشياء كثير عن شكلي وشعري .وجسمي والرجيم وحاجات حسيت انها تعاني منها اي وحده في بداية حياتها مع زوجها خصوصا اذا كان من النوع اللي يحب التغيير في الشكل ويحب الجسم المتوازن وغيره.!!.تفارقنا..وبدأ زوجا كل مااتصل على زوجي يسأله كيف الوضع؟؟ وزوجي مو فاهم
وش قالت زوجتك؟ وش رايها؟حلوة؟؟؟؟؟
بعدها باسبوعين تقريبا اتصلت فيني وابي اشوفك فقلت تعالي عندي البيت ماصدقت خبر جت وشفتها ماعليها حلوة..بس من دخلت وهي تمدح فيني وتقول بصراحة جسمك يجنن تصدقين حتى شغالتي قالت عنك انك حلوة وحتى زوجي قلت له تصدق انها نحيفة بالقدر اللي انت تبي؟؟؟؟؟؟؟!!!!!!!!! وجسمها زي ماانت تحب؟؟؟؟؟(هي صغيره بالعمر بس عاد مو خبله):09: :09:

انا سكت..فكرت..احترت..توصفني لزوجها..
لو كان غريب صعبه لكن صديق زوجي صعبتين؟؟؟
طبعا جابت مدح زوجها لي كله وخرته .......قلت يااختي خليه يمدحني عند زوجي مو عندك انت وش بتفيديني فيه..قالت ايه قلت له امدحها عند زوجها قال اكيد هو داري وعارف زوجته..؟

المهم راحت بيتها وجا زوجي ...وانا لساني يقرصني ابي اقوله بس خايفه..فشوفوا وش سويت وعلموني..؟؟
؟
؟
جيت وسولفت عن الزياره وانها انسانه حبوبه بس مشكلتها شوي لسانها يبيله كرب قال ليه.؟؟قلت كل شي تقوله عنها وعن زوجها..
بعدين قلت انها جالسة تمدح فيني وتعلمني عن شغالتها وش قالت وبصراحه انا جا في بالي شي وشكيت انها تسولف لزوجها عني؟؟واللي خلاني اشك اكثر انه يسألك كل مااتصل وش راي زوجتك في زوجتي ومن هالكلام شكله يبيك تحكي عشان يخر لك وش قالت زوجته عني..قال لا بس انا مااعطيه وجه وهذا الحكي مايجوز وش ابي اعرف عن زوجته قلت الله يستر ماتدري....انا قلت كذا عشان امهد له لو جا صاحبه ورمى كلمة كذا والا كذا يكون زوجي متهيء نفسيا ويجي يعلمني...
ادري هرجت واجد بس افيدوي هل اصرح له واقول ترى الحرمة قالت لزوجها كذا وكذا؟؟
ولا انصح الحرمة نفسها..والا وش اسوي
والله يجزاها خير اللي بتكتب لي حديث المصطفى عليه السلام عن عدم جواز وصف المرأة للمرأة امام الزوج..؟؟؟
سلامات:26: