قرأت مره مخطوطة " النزهه المبهجه في تشحيذ الاذهان وتعديل الامزجه" لداوود بن عمر الأنطاكي في صفحة 147
لازم تعرفين الفرق بين المسهلات إما مسهل بالقبض أو بالعصر ما يصير تجمعينها ﻷنها تتعارض عاد أنا ما فمهت ﻷن الخط متعودة على الطباعه ما اعرف باليد بس ذكر أمثلة كثيره جربي اقرأيها ﻷن شكل معك امساك قوي لازم تفرقين، ولا تاكلين كثير خليها شوربات ولا تطولين بالنوم ﻷنه يزيدها ولازم رياضه واﻷنسب المراجيح على كلامه ﻷنك تضغطين على الامعاء فيتحرك مرور الفضلات الله يكرمك
أنا بقولك اللي مجربته ولا اعرف وش الفرق بين المسهلات وهو
- تمر وبعده على طول اشربي حليب بارد كامل الدسم (بدون تسخين)
- ملعقة زيت زيتون عضوي من الجوف قبل النوم ولو حبيتي ملعقة بالنهار وملعقة بالليل
- ملعقتين لبنة كاملة الدسم مع العسل اكليها بخبزه بر بالنخاله يمشي بطنك يومين ليونه قوية
- الشعير الكامل يغسل البطن ويلين
هذا اللي اعرفه والله اعلم أبوي قالي لو زاد اﻹمساك عن يومين لازم تبدأين بالمسهلات بسرعه ﻷن اﻹمساك ضار جداً ويسوي أمراض بعدين الله يكفينا وإياك
كثري خضار وفواكه خص الخيار والبرتقال
بالحالات الشديده تحاميل جلسرين
فيه حبيبات اجولاكس بالصيدليه يلين البطن
تين مجفف نقعيه بالماء واشربيه
تجنبي النشويات والاكل القاسي
وقدامك العافيه