ساعدوني ابنفجرررررر من القهر والظلم

السلام عليكم
اخواتي مالي بعد الله الا أنتم والله اكتب وعيوني جفت من كثر مابكت
انا كنت مطلقه وعندي ولد المهم تزوجت واحد عنده زوجه والله ماكان ودي بس نصيب
طبعاً انا مالي دخل فيها الله يستر علي وعليها ويخليها لعيالها
المشكله زوجي انسان غريب لي الحين معه 6 شهور ونص لاتمشيات ولاطلعات والله حتى شهر عسل مافيه بس حابسني في البيت ولاقلت له ناقص كذا قال كلمي أختي توديك اول مااخذني زوجته هجت شهر عند اهلها والله قمت بعياله وكنت لهم مثل الشغاله بعدين رجعت زوجته وهو طول الوقت برا البيت وكثير يوديني عند اهلي ويتركني بالأسابيع ماارجع لبيتي الا بعد هوشات وطفشني بموضوع الحمل ووداني دكتور وقالي عندك ضعف شديد ماراح تحملين انا سليمه وجبت ولدي عادي قال مالك الا اطفال انابيب وقلت له حنا لنا شهرين تونا وضغط علي زوجي وقال سويها وادلعك واسفرك واجيب لك شغاله طبعاً زوجي غني لكن بخيييييل وسويتها ولما حملت كنت اتعب وطلبته شغاله اجار تساعدني ورفض قلت له وين السفر قال ماتستاهلين ولما جيت بالشهر الرابع جاني طلق ونزيف وطاح الولد عاد انا قبلها كانت نفسيتي تعبانه وكنت أتحرك كثير وهددته أطيح الولد بس والله ماطيحته بس كنت اهدده ابيه يتعدل والحين لي اسبوعين مايكلمني وزعلان ويفكر يطلق يقول انتي قتلتي ولدي انتي قاتله ومدري ايش كلام يعور القلب
بصراحه انا ماشفت منه يوم حلو بس ماااااابي اتطلق لان العيشه عند اهلي صعبه ومابي ارجع مره ثانيه مطلقه تكفون انصحوني وش اسوي قولوا لي اي شي بس مابي اتطلق
فكرت بكره اخلي امي تكلمه لان ابوي متوفي وماعندي الا اخواني ورافضين رجعتي مايبونه من سواته فيني
تراي اكتب وانا والله مو قادره أشوف من التعب اللي فيني أشياء كثيره سواها تقهر بس انا كتبت قصتي بالمختصر