ساعدوني ابي اعرف ايش فيني 😭💔

السلام عليكم انا عضوه جديده أتمنى منكم تفيدوني
قبل شهر تقريبا حطيت راسي بنام الا جالي خفقان ودوخه وكأن شي يشدني على ورا الزبده على طول اتصلت على اختي ورحت اقرب مستوصف خذو مني تحليل عن الغده وفقر الدم والدهون والسكري رجعت البيت نفس الحاله خفقان وأحس روحي بتطلع بعد عشرين يوم طلعت نتيجة التحليل و كل شي سليم الحمدالله...
بعد يومين جات لي في حلقي مثل الكوره مادري من ايش ؟؟ بصراحه ضايقتني وأثرت على نفسيتي وانعزلت عن العالم
جلست مع اهلي على قهوه المغرب احد الايام وجات لي مثل الكتمه قمت بسرعه قلت ودّوني المستشفى انا معد اقدر
رحت المستشفى قالو عندك التهاب بسيط فاللّوز ! عطوني علاجات استخدمتها يومين وتركتها لاني ماشفت اي تأثير وبيني وبينكم ماصدقتهم
بعدها بفتره طبعن مازالت الكوره بحلقي ملازمتني رحت لمكه وطلعت كل اللي بقلبي لربي انه يشفيني ويكشف ضري والله يتقبل ان شاءالله 😭
رجعنا الرياض تعبت مرا احس حراره بمعدتي وألم أسفل بطني وألم عند رقبتي من فوق وظهري وإسهال الله يكرمكم وأحيانا ادخل الحمام بس مايطلع شي على هالالم كله .. رحت الجافل صارت حرارتي مرتفعة واللوز اليسار متضخمه واليمين تنزل صديد عطوني علاجات استخدمتها ثلاث ايام تقريبا ونفس الحاله
اخر شي امس بكيت كل البيت بس أصيح من هاللي بحلقي وأحسه الموت
سؤال اللوز تسوي كل هذا ولا تتوقعو من شي ثاني ؟
والله اني بهم مايعلم فيه الا الله 😢