ساعدوني ابي انقل بيت جديد وماني عارفه ارتب نفسي

اب

منزل مبارك ان شاء الله مقدما
حبيبتي اشياء المطبخ جيبي كرتين وجرايد وكمان قلم فولمستر ولصقه
ابدائي غلفي الكاسات بي ورق الجريد وكمان قبل ماتحطينه بي الكرتون حطي منشفه ورصي الكاسات ولاخلصتي لصقي الكرتون وكتبي عليه كاسات والمطبخ وبكذا لما تجي الشركه تشيل كل شي تحطه في مكانه المطبخ للمطبخ
اما اغراضك كله في الشنط بس خلي لك كذا لبسه من لبس بيت لبس خرجه في شنطه صغيره عشان لما تروحي لي الشقه ماتقعدي تحوسي اذا بغيتي تلبسين وكذالك لبس زوجك وبنتك وكذالك الشنط جيبي ورقه وكتب عليها الحرف الاول من اسم بنتك ولصقي الورقه علي الشنطه
وان شاء الله اكون افدتك
يالله انا كمان بعد كم شهر ناقله يالله ابغا استفيد منك

مثل ما قالت بسكوته طعمه بس احب اضيف شي بسيط ورح يساعدك كثير لمن تجين ترتبين بيتك الجديد ان شاء الله .خلي اللصق حق الكراتين بألوان مختلفه مثلا كراتين اغراض المطبخ قفليها بلصق احمر واغراض غرفة نوم الاولاد بلصق ازرق واغراض غرفة النوم بلصق اخضر وعشان ما تنسين اكتبي في ورقه كل لون يخص ايش ولمن يبدا النقل اعطي زوجك نسخه عشان يشرف على توزيع الكراتين على الاماكن الصحيحه. والله يعينك ويساعدك ويسهل امرك ومنزل مبارك ان شاء الله

رتبي اغراض البيت في كراتين واكتبي عليها الغرض يعني شيلي كل تحف مجلس الحريم بكرتون واكتبي عليه مجلس الحريم وكذا يقيه الاغراض والمطبخ نفس الشي بس اكتبي اسم اللي حطيتيه يعني مثل قدور وصحون.............الخ وكل غرفة لما توصلي بيتك الثاني حطي فيها الاغراض حقتها يعني حطي كراتين الكاسات في المطبخ والتحف في المجلس المخصص لها حتى الملابس اكتبي على الشنط حرفك ودخلها غرفتك وزي ماقالولك الاخوات

لو عندك بيبي احرصي على عدة الرضعه تكون معاك مثل غلاية المويه والحليب والرضاعه ... واهم الادويه زي المسكن مثلا
والحفايظ وكريم الألتهابات يعني سويله شنطه متكامله واضحه عشان النونو ما يستناك تدورين