ما تبين الطلاق ولا تقدرين عليه خلاص ارضي بالواقع لا تعترضين عليه 
ولا تقتلين نفسك في محاولات استجداء وشحاذة اعجابه ورضاه عنك 
ترى الله خلقك عشان تعيشين لنفسك وتهتمين بنفسك وتحبين نفسك مو عشان تشحذين كل هذي الاشياء من الناس سواء زوج ولا غير زوج
لاحظي أي زوجه تربط اكسجينها وسعادتها وحياتها وراحتها بزوجها تكون من اتعس الزوجات في العالم 
لانها اعطت العظمه والقداسه لمخلوق بشري ضعيف من دون الله 
وخير يا طير اذا ما مدحك ولا اعجبه شي فيك بالطقاق ليش شاكه في عمرك وميته قهر 
ترى بعض الكلام عند الرجال رخيص واغلبه فاضي يقوله وهو ما يعنيه يعني عادي يمدح فلانه وعلانه ويرفع بها للسماء وهو من داخل مو مقتنع بس عشان يقهرك ويستفزك بشيء انتي تموتين منه 
خليك ذكيه وحبي نفسك وعيشي الحياه لنفسك 
الزوج مجرد اضافه وجزء للحياه ان جاء اهلاً وسهلاً وان ماجاء بسلامته 
بعد حتى ذنوب الخلوات تبين تحطين نفسك مكان الله وتحاسبينه !!
روقي بس واعقلي وارجعي لصوابك 
الله يشرح صدرك ويسهل امرك ويرشدك للصواب 

حبيبتي لا تفكرين بالانتحار عالاقل تفوزين بالاخره وتدخلين جنات ربي .. استحملي عشان عيالج ولا تحطين بالج عليه وعلى فعايله مرده الله بيهديه لكن استغفري ربج وراج عيال لا تقولين انتحار وغيره فكري فيهم انتي سندهم اذا ابوهم مب زين عالاقل انتي تكونين الزينه في حياتهم. والله يهدي يزوجج ويرده لج افضل من قبل ❤️

اقرئي عن حكم الانتحار في قوقل 
واقرئي عن اثار الطلاق ..
ولا تقدمين على اي خطوه بدون تفكير ووعي ...
انتبهي لنفسك واكثري من الاستغفار والدعاء وقولي دعاء الكرب 
يا حي يا قيوم برحمتك استغيث اصلح لي شأني كله ولا تكلني الى نفسي طرفة عين ،،

حبيبتي طنشي طنشي طنشي 

سوي نفسك هبله ما تفهمي ولا شفتي شيء 

طلعيه من قلبك 

وحطي بداله الله سبحانه 

وجهي عاطفتك وخشوعك واهتمامك لله سبحانه 

لان هو هدف وجودك عبادة الله 

انتي علاقتك بالله مضروبه اجل كيف مسلمه تفكر بالانتحار 

اغلب الرجال تتفرج وتعجب ببنات 

ولكن انتي لاتحطين في قلبك زوجك وتعظمينه وتتعلقين في زوجك 

علقي قلبك بالله سبحانه 

وارقي نفسك 

واقري سورة البقره يوميا راح تطرد الشياطين من البيت وراح تأثر رقيتك على زوجك وعيالك 

وغير كذا شفتي الاخساس بالقهر والذل كله بيروح 

اهم شيء التوحيد والتحصين 

ويكون بقلبك بس الله سبحانه هو سندك وهو كل شيء 

وزوجك مجرد زوج 

عامليه برحمه وشفقه يعني شفتي الطفل كيف ترحمينه لا تشرهين عليه سامحيه 

وطنشي وتغافلي ولا تعطين كلامه اهميه

لاتراقبينه ابدا حتى لو بالغلط طنشي 

اهم شيء الله وصلاتك واذكارك وقرأنك 

ودايم ادعي له بالهدايه الله يهديه