ساعدوني .....احس اني مربوطه

السلام عليكم ورحمة الله وبركاته

خواتي الغاليات
مالي الا الله ثم انتم يالغاليات
الحمد لله والشكر على كل حال
احب زوجي مره وهو الحمد لله يحبني ولو يغيب شوي افقده واشتاق له
وكانت حياتي مليانه مفاجاءت
وكنت راضيه مع قصر بالضروف الماديه بس اهم شي السعاده
وكنت اللبس لزوجي واتكلم معاه بكل شي حتى فيه حاجات ماتنقال للزوج بس انا غير
وكنت كثيره المزح على زوجي

اللحين احس اني مربوطه
ودي اضحك واسولف مثل اول
ودي اللبس لبس حلو واستقبله بالبوسات مثل ماكنت اسوي
ودي اسوي له طبخه غريبه
ودي اطلع انا وياه طلعه خاصه واقول كل اللي بقلبي

دايم ساكته ......................
يدخل ويطلع ما قلت له ياهلا
احط له الاكل كاني خدامه احط مرات اجلس ومرات ما اجلس
استصعب اقوله كلمه حلوه

احيانا يجلس ونتبادل النظرات فقط ما كاني جالسه مع زوجي ودي اتكلم بس مدري كيف ابتدي احس فيه شي بداخلي يقول اسكتي
...........................
كل هذا
وانا حزينه ابي اسوي شي وكل مره اقول خلاص بسوي وارجع 180 درجه لورى
الحمد لله على كل حال
ولكن ما ادري وش صار ....
ودي اجدد بحياتي كيف ابتدي ومن وين ابتدي
بالعربي ....................ضايقه ومتنكده واحس اني مخنوقه وانا اكتب لكم هالكلام