ساعدوني احس زوجي بيطلقني؟>>>استوفي الردود

سلام عليكم

اخواتي بدخل في الموضوع علي طول وهذي ثاني مشاركه لي في المنتدي زوجي طلقني مرتين ثم قام بارجاعي بالرغم انه طلقني ولم يكن يريدني بسبب تدخلات اهلي عندما اتصل فيهم .

زوجي لايملك بيت وهو مستاجر عند احد اقاربه دور كامل بقيمة 12الف ريال في السنه وامه كبيره في العم 75 عام وهي تسكن معانا وهو ولدها الوحيد ولدي بنتين وولد وكنت دايم اطلب من زوجي ان يستاجر شقه بعيده عن قريب لان امه دايم تصيح علي اطفالي اذا لعبو في البيت وتقول ماتبينا نزعج جيراننا وطفشت منها ومن تصرفاتها وكنت دايم اشكي لزوجي ويقول مااقدر استاجر الحين الشققه غاليه والظروف انتي تعرفينها بالرغم ان زوجي لايقصر في البيت ويجيب كل طلبات البيت ولم يمنعني من اهل وكل اسبوع يوصلني لبيت اهلي من اجل امي المريضه ويقول اجلسي يوم او يوم ونص وقبل شهر ونص كنت العب انا واطفالي في البيت بصوت عالي وقال لي ليش الصياح والازعاج وقلت له تعال ربي اولادك بنفسك ثم قام وضربهم وصحت في وجهه وضربني واشتد الكلام بيني وبينه واتصلت في ابوي واخوي وجو واخذوني من البيت وقالو ماراح نرجع زوجتك لك حتي لو تشتكي في المحكمه ومارد عليه وقال لي اجلسي في بيتك وربي ابوك واخوك ماعندهم الا هياط وكلام كذب وماراح ينفعوك ولكن رفضت وقلت بروح مع اهلي ولم يمنعني ثم خرج زوجي من البيت ومن قهري رحت الصاله ووجدت امه واقفه ومسكتها من راسها وصيحت عليها ورميتها علي الارض ثم رحت . الان لي شهر ونص ولم يتكلم زوجي بشي ولم يقل شي واهل الخير تدخلو للاصلاح ولكنه يرفض الكلام والصلح ولا اعلم مايدور في راسه ولم اعترف لاهلي اني رميت امه علي الارض .

اخواتي انا ندمانه ومافعلته كان وقت غضب وتصرف الا شعوري ومابي زوجي يطلقني لان اطفالي يسالون عنه وابغي ارجع له وابوي واخوي مايبوني ارجع ولكن الضحيه اطفالي وابي مساعدتكم الله يخليكم