السلام عليكم
مشكلتي اني دايما قلقه وخايفة ومهمومه ،،،
لكن بالفتره الاخيره زادت عندي هالمشكله ومو عارفه ايش اعمل عشان ارتاح
المشكله:
انا قبل سنتين كنت مسويه عمليه ليزك لعيوني ،، عشان النظر ،، وم فتره حسيت اني ما اشوف زين ، رحت المستشفى ولما فحصوا عيوني شافوا ان النظر تراجع عندي وصار لي انحراف بالنظر مع انه ما كان عندي قبل العملية،، طبعا الدكتور قالي القرار بايدح اذا تبغين تلبسين نظاره او عدسات لبسي واذا تقدرين تتعايشيين مع الوضع لا تلبسين
لكني من اروح مكان احس اني اشوف ضباب على عيوني واني ما اقدر امشي ،، مع ان هالشي ما كنت اعاني منه قبل لا اعرف بمشكله النظر عندي.....
المشكله اني لما عرفت الموضوع قعدت ابكي وابكس وحزنت كثيرر ودايما الوم نفسي وندمانه اني عملت العملية واقول يا ليت ما عملتها ،، واقول شمعنى انا اللي صار لي هالشي مع ان كل اللي اعرفهن العمليه والنظر عندهم تمام التمام ، بس ليش انا وقول انا ما عمري ضريت احد وكنت اشتغل في الشغل بضمير حتى اني من يوم ما ادخل الشغل اقعد اشتغل على الكبيوتر وما شغل تفسي عنه الا ربع او ثلث ساعه بالكثير ،، فأقول في نفسي كله عشان انا اخلصت في العمل ، وكنت ادرس بجهد لاني اواصل دراستي الجامعية ــ بس الحين اقول اللي كانوا يغشون بالامتحانات افضل مني ، انا انا عيني تعبي لاني جهدت نفسي بالدراسة....
صرت اقول ليش ربي بلاني انا بس ،، مع اني في حالي واشوف البنات ايش يسسووون وما اسوي مثلهم لكن حياتهم من احسن لي احسن ،، قامت تجيني افكار وسواسية واهي ليش الله خلقنا اساسا عشان نتعذب ونتعب ونتغربل بالهدنيا ،، وصرت اقول في نفسي ليش اجيب عيال وانا ما اقدر اضمن سعادتهم ممكن يصير اي شي في دقيقه يغير حياتهم للأسوء ، وصرت اتمنى الموت واقول الموت اريح ولا ان الواحد ما يدرى ايش يصير بكره،، وصرت اقول يعني اكون مثل غيري اللي ما تشتغل بضمير واللي تسرق واللي تسبب الضرر لغيرها واللي تخون زوجها عشان اتوفق؟؟؟
اقول احنا علمونا من يوم كنا صغار اعمل خير تلقى خير وان الواحد لو كان في حاله وما ضر غيره ما راح ربنا يجازيه الا كل خير ،، وصرت اقول احنا اللي تعلمنا عليه ان على نياتكم ترزقون وانا نيتي زينه والله اعلم بها بس ليش صابني هالشي ليش انا ارجع للعدسات والنظارع ويصيدني النحراف وغيري لا؟؟ ما ابغيهن يكونون مثلي بس ابغي انا اصير مثلهم عمليتي تنجح وتستمر مثلهم...
افكار وافكار استغفر الله منها ،، صرت افكر واقول الانتحار لو مو حرام جان انتحرت...
صرت ما انام اللليل واذا نمت انام وانا متشنجه واعصابي مشدوده ليما مرضت ـ من الارهاق والتعب
كرهت زوجي وعيالي واهلي وتفسي مع ان في شي داخلي يقولي يعني نظاره او عدسات وخلاص عيشي حياتك شنو المشكله؟؟؟ بس الشيطان يرد ويقولي لا شمعنى انتي؟؟؟ وانتي مو ضامنه انج بتشوفين بعد كم سنه وان عينح راح تتضرر اكثر واكثر..
ساعدوني انا خسرت نفسي وزوجي وعيالي ،، واروح شغلي بالغصب وجامعتي اخر ترم لي وما اداوم وخايفه يفصلوني ،، صرت اقول خل كل شي يولي وخلني اعيش بغرفني انتظر الموت عشان ارتاح
سااااااااعدوني والله يجزاكم خير
أرجوانية @argoany_1
عضوة
يلزم عليك تسجيل الدخول أولًا لكتابة تعليق.
شربة عسل
•
تعوذي من ابليس هذي كلها وساوس
وانتى رديتى على نفسك بكل سؤال سالت نفسك فيه
....
اختى اذا انتى مشكلتك النظر بس
بعض البنات في عز شبابهم وعندهم اعاقات نتيجة لحوادث
وبعضهم عندهم امراض نفسية مستعصية جدا كانفصام الشخصية واوسواس القهري
انظري الى من هو دونك ولا تنظري الى من هم اعلى منك
وانتى رديتى على نفسك بكل سؤال سالت نفسك فيه
....
اختى اذا انتى مشكلتك النظر بس
بعض البنات في عز شبابهم وعندهم اعاقات نتيجة لحوادث
وبعضهم عندهم امراض نفسية مستعصية جدا كانفصام الشخصية واوسواس القهري
انظري الى من هو دونك ولا تنظري الى من هم اعلى منك
لا يحبطك الشيطان حبيبتي
هذا الشيطان اللي يسوس لك بها الشيء
وبعدين وش فيها اذا لبستي نظاره ؟؟
هذا احسا س بنقص في نفسك وانك تتصورين ان البني ادم راح يكون كامل مكمل ولافيه اي عيب او خلل ، هذا الانسان يمر بمراحل كثيره وان ماخلاك الموت ماخلاك الكبر والرد لارذل العمر واللي تبدا تضعف فيه حواس واعضاء الانسان
لا تخليني هالشي يحبطك وتهملين بيتك وزوجك وشغلك عشان حزنانه انك بتلبسين نظاره ..
؟؟
يكون في علمك ثلاث ارباع خلق الله يعاني من ضعف النظر او قصر النظر لكن يجاملون ولا يلبسونها عشان البرستيج ماتخرب اشكالهم
وش يهمني في الناس اهم شي صحتي ،،
اذا تبين تقنعين نفسك اقنعيها بان هذا ابتلاء من رب العالمين ومن رضا بقضاء الله فله الرضاء ومن سخط فلها السخط ..
توكلي على الله ولا تخلين هالشي يأثر على حياتك احتسبي الله عليه ، الله يوفقك ويهديك
هذا الشيطان اللي يسوس لك بها الشيء
وبعدين وش فيها اذا لبستي نظاره ؟؟
هذا احسا س بنقص في نفسك وانك تتصورين ان البني ادم راح يكون كامل مكمل ولافيه اي عيب او خلل ، هذا الانسان يمر بمراحل كثيره وان ماخلاك الموت ماخلاك الكبر والرد لارذل العمر واللي تبدا تضعف فيه حواس واعضاء الانسان
لا تخليني هالشي يحبطك وتهملين بيتك وزوجك وشغلك عشان حزنانه انك بتلبسين نظاره ..
؟؟
يكون في علمك ثلاث ارباع خلق الله يعاني من ضعف النظر او قصر النظر لكن يجاملون ولا يلبسونها عشان البرستيج ماتخرب اشكالهم
وش يهمني في الناس اهم شي صحتي ،،
اذا تبين تقنعين نفسك اقنعيها بان هذا ابتلاء من رب العالمين ومن رضا بقضاء الله فله الرضاء ومن سخط فلها السخط ..
توكلي على الله ولا تخلين هالشي يأثر على حياتك احتسبي الله عليه ، الله يوفقك ويهديك
استغفري ربك واكثري من قرائة القران
انا مثلك بعض الاحيان تجيني هالافكار واقلب الهموم على نفسي بس اتعوذ من ابلس واستغفر واقعد اقرا قران والحمد لله تزول كل هالافكار من راسي انتي جربي وان شاء الله تروح عنك هالافكار
انا مثلك بعض الاحيان تجيني هالافكار واقلب الهموم على نفسي بس اتعوذ من ابلس واستغفر واقعد اقرا قران والحمد لله تزول كل هالافكار من راسي انتي جربي وان شاء الله تروح عنك هالافكار
تعوذي من ابليس شهالكلمه انتي بنت مؤمنه مصليه وصايمه احمدي ربج على العافيه
وشنو يعني مالبس نظاااره عادي الموضه العين العدسات والنظاره
يابنت الحلال غيرج فيها امراض الخبيث والثاني الايدز والثالث عمى مايشوف شي بهالدنيا
احمدي ربج انج تشوفيم وبوسط عيالج وزوجج وبيتج ومتعافيه تاكلين وتشربين هذا يكفي
ياعالم ياناس يابشررر انتواا بنعمه ماتحسووون فيهااا الااذا فقدتواا
اختي العزيزه والله مافيج غير الصحه والعافيه تعوذي من ابليس وصلي ركعتين لربج وادعي واكثري الاستغفار ولاتعطيين مجال لبليس يوسوس عليج والله مافييج شي
وشنو يعني مالبس نظاااره عادي الموضه العين العدسات والنظاره
يابنت الحلال غيرج فيها امراض الخبيث والثاني الايدز والثالث عمى مايشوف شي بهالدنيا
احمدي ربج انج تشوفيم وبوسط عيالج وزوجج وبيتج ومتعافيه تاكلين وتشربين هذا يكفي
ياعالم ياناس يابشررر انتواا بنعمه ماتحسووون فيهااا الااذا فقدتواا
اختي العزيزه والله مافيج غير الصحه والعافيه تعوذي من ابليس وصلي ركعتين لربج وادعي واكثري الاستغفار ولاتعطيين مجال لبليس يوسوس عليج والله مافييج شي
الصفحة الأخيرة
اكثري من الاستغفار يااختي وربي اني مريت في ظروف صعبة جدا وماحلها الا الاستغفار
الله يوفقك في حياتك ويطمن بالك