بلـ س ـم :

اشكركم جميعا على ردودكم والله يفرج همكم ويحرمكم عن النار ولا يبلاكم لا في انفسكم ولا ازواجكم انا قرأت كل الردود وتمعنت فيها زين واثرت فيني كثير اولا يشهد علي الله اني ماكذبت ولاتلاعبت بمشاعركم مثل ماقالوا بعض البنات ولو تاخرت بالرد لو ترجعون للموضوع ماكمل اربع وعشرين ساعه ثانيا اعتذر بشده للجميع خصوصا الي دعوا علي لكن هذا مابتليت به فيه نقطه قبل ارد على اسالتكم ابي اتكلم فيها بعض الردود كانت قاسه جدا والبنات دعوا علي وتحيسبوا علي بنبهكم لشي ترا الي انا فيه بسبب شماتتي بانسانه خانت زوجه ماخليت كلمه ماقلته فيها وربي ماعمري خنت ولا كلمت شاب بس ربي اعطاني بسبب شماتي استعيذوا من الشماته وانا لو ماكنت بغفله وزين لي الشيطان الامور كان من الاول تركته ولا ضيعت كل هالعمر معاه ولا ضيعت بيتي وشبابي انا لو ماكان للاسف الشيطان معميني كان ارتحت من هذا كله والامر الثاني الي تقول اني بعد مامليت وشبعت منه وفلوسه ابي اتوب اولا الفلوس ماينشبع منها ثانيا يشهد علي المولى انه مابداء يصرف علي ويحول لي فلوسه الا من بعد طلاقي تتوقعين مداني اشبع !!! انا صحيت وبفضل ربي لو ربي مايبيني اتوب ماتحرك احساس الذنب بقلبي الحمد لله الرحمه والمغفر بيد ربي مو بيدكم وانا لجأت لكم بعد الله لاني ضايعه لو كان عندي حكمه وتفكير كان ماستشرت احد ورحمت نفسي من دعاويكم علي وحطوا ببالكم يمكن لو ماسالتكم وسويت زي ماتقولون مايبيلها تفكير سوي وسوي وانا كان تفكيري غلط كان ممكن اضر زوجته اكثر يشهد علي الله ماني العب فيكم سؤال الي تقول اذا تبتي ندعي لك وننصحك وش يدل عليه اني اطرح الموضوع وأطلب المساعده المرأه الي زنت مثل ماذكرت احدى الاخوات جزاها الله خير وراحت تطلب من الرسول يكفر ذنبها هل طردها الرسول وقال اذا تبتي تعالي تسالوني عن عقلي وانتوا وين عقولكم من يعطيني حل اذا ماستشرت مجتمع مثل مجتمعتك وساعدني انا واشكالي الي اعتبرتونا بنات حرام على ترك الغلط نلجأ لمين ؟؟ الجأ للي اكلمه او منتدى فاسد لين اتوب وبعدها ارجع لكم ؟؟؟؟؟ انتظر ردكم بصراحه انا ماراح اقول الله يبلاكم عشان تحسون فيني لكن يسامحكم تكفون لاتدعون علي الي فيني يكفيني ماتدرون يمكن ربي يرحمني ويرضى عني ويرزقني توبه اكون فيها خير منكم

اشكركم جميعا على ردودكم والله يفرج همكم ويحرمكم عن النار ولا يبلاكم لا في انفسكم ولا ازواجكم ...