ساعدوني اختي بتتزوج ومااعرف عن التجهيز من وين ابدا

احس لسى بدري وخاصه انه الحين مافي تخفيضات عشان تستغلها

وياليت لو كنتي محدده باي منطقه انتم

والله يوفقها يارب

بالقصيم بس عادي نكمل التجهيز بجده او الرياض

حبيبتي اولا وين شهر 8 مره بعيد والسوق يتجدد والموضه تروح وتجي اقلها تبدآ بعد مايخلص الشتاء لكن مايمنع تقضي الشي اللي ماله وقت زي لبس النوم البجايم لبس البيت مفارش السرير روب اول ليله وروب الحمام
انا بقولك طريقتي في تجهيز نفسي واخواتي وادعي ربي يعوضني خير
الحين المطلوب تشتري لبس البيت النوم الحمام طبعى انا بقولك عن الاماكن اللي بالرياض لان ماعرف بجده اي شي غيرسوق الصواريخ من مدح البنات عنه
تروحين الاندلس سيده محل الريس للمفارش لان في الريس للانجري تاخذ منه مفرش لسريرها وروب الحمام تاخذ طقم لها ولزوجها وطقم سجادة الصلاة وفي محل جنب حمامات النساء حق قمصان اول ليله انا اخذت حقي ب600 وفي نعومي بالف وشوي
وتنزلين تحت عند محلات الجزم والشنط في كم كشك يبيع تقليد ماركه شنط تاخذ 2 عمليات وسعرهم مره كويس مايتعدى ال200 الى300 وتبقى معاك وقت طويل عن تجربه
الذهب شوفوا اذا سعره نازل تاخذ الذهب وتحطه بالبنك علشان لاينسرق ولايضيع ومافي احلى من طيبه للذهب وبالمره تاخذ منها شبصات ربطات كم شغله لشعرها ومرايه وامشاط براميد ملون ومشجره وشورتات للبيت ترا فيها اشياء روعه بس تبي ناس رايقه
بعدها اطلعي الهرم للانجري اليومي وبجايم النوم وتشكلها شي شورت شي برمود شي طويل وقمصان النوم وقمصان البيت القصيره القطنيه مع كم بدي ع توب للبيت وكم بنطلون جينز ملون وساده وفي مارينا مول محل يبيع بناطيل جينز مشجره رووووعه للبيت نسيت اسمه بس اول ماتدخلين بوابه 2 لفي يمينك تحصلينه ع جهة اليسار ادخلي المحلات لحد ماتطحين فيه اصلا البناطيل عارضها ع استاند اول المحل
الصيدليه ضروري تمرها تشوف شنو مشاكل جسمها وبشرتها وشعرها وتشتري وتبدا تهتم بنفسها من الان وبعدين تمرها علشان تاخذ الشامبو الكريمات اليوميه غسول للمنطقه الحساسه وللبشره اعواد اذان علك او معطر للفم مرطب شفايف الفوط الصحيه لصقات جروح مقلمة اظافر معقم لليدين وقطن لو احتاجته تمسح بالتونيك ومزيل مناكير ومزيل العرق وفرشاة ومعجون اسنان والخ من اغراض الصيدليه
كمان في مارينا محلات اكسسورات فخمه وسعرها معقول تاخذ كم طقم للمناسبات الرسميه
وتمر نزيه بمارينا الدور2 تاخذ استشوار فير مجفف لشعرها عندهم شغلات حلوه
وتمر الحميضي للساعات تاخذ ساعه فضي وذهبي والباقي ع حسب ذوقها لو تحب الجلد تاخذ اسود وبني مع اللبس بس بنظري الفضي والذهي يكفون لها اول شهورها كعروس
وكمان تخلص فستان الزواج وجزمته والتاج علشان تستريح من همهم
وتمر الريس لانجري هناك تاخذ منه لانجري للطلعات
المكياج مو الحين ولا العطور قبل الزواج بشهر او شهرين وافضل ماركات المكياج ريفلون ماكس فاكتور ريميل برجوا لليومي اما الطلعات لانكوم وبس
العطور للعطور العربيه الماجد روعه تاخذ منه عبير ومعاني وفواحة العاذريه والليل ومعمول الماجد وخلطة7 للمفرش رووعه وطقم المباخر اما الفرنسيه عندك فافوم يمدحونه حيل للعطور وانها اصليه وع فكرا الكشكات اللي منتشره بالموالات عندهم عطور ريحتها حلوه وثابته
لبس الطلعات يكفي تاخذ 10 اطقم منسقه بس قبل الزواج ب4 شهور او 3
فستان السهره ع حسب اذا بيحطون لها زواره او احد بيعزمها فتاخذ لها 2 او3 بطقم الجزمه والشنطه بس بعد قبل الزواج ب3 او 4 شهور
الجزم والشنط تاخذ الالوان الاساسيات والمحايده النيود الاسود البني الرمادي البيج الابيض وتاخذ جزمه لطلعاتها مع زوجها وشبشب البيت تمر سيتي ماكس وبالمره تاخذ منه كم لانجري ع كم قميص نوم بس تبعد عن بجايمه فاشله عن تجربه وعنده جزمه وشنط حليوه للطعات العائليه البسيطه
المجمعات الحلوه للبس الماركات في الرياض مارينا مول الرياض غاليري صحارى وحياة مول وغرناطه هذي اكثر شي اطلع لها وتعجبني يمدحون القصر مول في السويدي بس ماقد رحت له
بالنسبه لمجموعات الجسم تبعد عن نكتار جدآ فاشل مافي احسن من زهور الريف ومن فكتوريا سيكرت في حياة مول وترا فكتوريا روعه لمجموعات الجسم للعروس
يارب مانسيت شي تكفين ادعي ربي يوفقني واتوظف ويتحقق اللي ببالي ويعوضني خير

اي نسيت تاخذ هالحين العبايات والنقاب والطرح وطقم الشنط اللي بترتب فيه عفشها
والله يوفقها ويسخره لها

مررررره بدري انصحك لاتستعجلي ابدن