ساعدوني اختي كل مرره تتعرف على واحد وكل مره تحب

السلام عليكم
انا ماكتبت الا لما لقيت نفسي عااجزه عن حل هالمشكله وانشاء الله تفيدوني وتساعدوني بحلها
الموضوع كله عن اختي عمرها تقريبا 19 او 18 سنه تعرفت اول شي على واحد خارج السعوديه وظلت على علاقه معاه وانا معودتها وباسلوبي انها ماتخبي عني شي وانا اسلوبي وياها مو الشده بالعكس اني اقنعها وتسوي الشي عن اقتناع يعني احب اني ما اضغط عليها لكن تدينها ومبادئها تمنعها عن الوقوع في الخطأ المهم في البدايه تعرفت على هالانسان وظليت اقنعها انها تتركه باختصار انتهت العلاقه وبعدين تعرفت على واحد ونفس الكلام الي قالته من قبل انها تحبه ولا تقدر تستغني عنه وانها واثقه فيه وغيييييره ليييييين بعدين اكتشفته على حقيقته بعد الفضايح بعد ما امه عرفت لان حضرت اختي راحت تدور عليه كون امي تعرف امه راحت مع امي لزيارة امه هي تتحجج عشان تشوفه ولانه ما يعطيها وجه راحت ولا شافته وقالت لامي لحظه بروح وبجي وراحت وشافت طفل في الشارع قالت له تعرف فلان قالها ايه قالت له روح ناد عليه وبعدين امي طلعت خلاص على انهم بيرجعون البيت الطفل راح ببرائه للام وقال لها ان البنت تدور على فلان الي هو ولدها وعرفت الام السالفه وصارت اختي في وضع مرره محرج خاصه ان الام متدينه المهم بعدين خلاص انتهت العلاقه بعد فتره تعرفت على قريب هالشخص الي عرفته وكذبت عليه وقالت انها ماتعرف احد وهي طبعا كانت تعرف قريبه يعني ببساطه ممكن لو مثلا بيتزوجها يقولون له انها تعرف قريبه خاصه ان الام عرفت والاخوات بعد المهم وانا طووووول الفتره حلقي تجرح من كثر الكلام معاها والاقناع ان هذا غللط مهما كان يبيك يخطبك وغير كذا ماافيه ولاااا فيه فايده تخبي عني وبعدين اكتشف انها مازالت تعرفه وتكلمه وانا اقنع فيها اخر شي صدمتني انها تقول انه كل شي في حياتها ؟؟!!! مادري يعني كييف نفس الكلام الي تقوله سابقا عن الشخصيات الي راحو وابوي مسكين مايدري عن شي وهي دايم تكلمه في الجوال او الماسنجر طوول الليل في الاجازات معاه وانا زهقت من الكلام تعبت خلاص تعاملت معاها بالسياسه مافاد خشنت شوي مافاد اذا عصبت زياده ممكن انها تعمل شياء مادري عنها وهي الوحيده في البيت احيانا احاول معاها تطلع معاي مع بناتي وزوجي ماتبي وقتها مشغول بهالانسان مو عارفه شنو اسوي امي لو بقول لها مارح تسوي شي ابدااااااا امي ماتوضح الغلط رح تسكت وابوي كبير في السن اخاف اضايقه مسكين اذا اخترب الكمبيوتر يروح يصلحه عشانها وهي طوول الليل مع وااحد غريب تكلمه وهو يقول لها خلينا اصحاب يعني الحين لاتفكر بزواج وهي حضرتها بس يتصل تفرح واذا تزاعلوا تضايق ولاتاكل واهلي خايفين عليها ولادارين وش تسوي لما تعرفت على اول شخص من خارج السعوديه صارت في الاجازه ترغم ابوي المسكين الا تسافر هناك عشان تشوفه وهو مايدري :( ويوديها والله العالم وش يصير افكر اني اقول لابوي بيني وبينه بكل شي لكن احس بعذاب الضمير انها امنتني على اسرارها واخاف على ابوي او انها تصير مشكله كبيييره ؟؟واحيانا اقول بالعكس الغلط اني ساكته ولا مسوين شي ؟؟القهر ان كلامها مو مقنع يعني مثلا يقول لها انه يعرف بنات كثيير وعادي صداقه تروح اهي تقولي عادي مافيها شي انه يعرف بنات؟!اقنعها بكلام جددا عقلاني والله اتعب من كثر الكلام وبعدين اسالها اقتنعتي تسكت شوي وبعدين تقول يعني مو مررره :angry2: والله قاهرتني مادري شنو الحل وشو رايكم بنات وللعلم ان شخصيتها مرررره خجوله الغريبه انها تعرفت على اكثر من شخص يعني مثلا انا ناادره جددا تتصل لي ولا تسلم على زوجي من الخجل ولا تجي عندي الا فيما ندر ولا ترفع السماعه تسال عني يعني مقصره كثييير معاي لما اقول لها عيب تكلمي رجال غريب تقولي لا مو غريب ؟؟!! بالله مو تقهر :mad: : حتى انها اخر مره سافروا شافت هالشخص الي هو تعرفه حاليا في نفس المكان وكانت ترغم امي الا تبي تروح المقهى عشان تكلم صديقاتها في الماسنجر وهي اصلا تبي تشوفه وامي تمرض من كثر الكلام والهذره معاها تصر على كلامها وتروح في وقت متاخر اخر الليل الىىىىىىى الفجر ؟واهلي مايدرون اتمنى بنات انكم تساعدوني في الحل او توضوحون لي اشياء مو شافيتها